Mannfreð Hillaríusarson

heheheheheh...

2007-08-01T14:00:00.000Z

í ljósi þess hvað ég er að fást við núna, þá finnst mér þetta ýkt fyndið!!

Vá!

2007-07-24T15:10:00.000Z

Er á bókhlöðunni í opnum skóm og stuttermabol en þó hettupeysu yfir og það er fokking helli, helli rigning! Meika ekki skít að fara út... hjálp!
Ég er búin að vera ýkt dugleg að leita að heimildum fyrir ba-ritgerðina mína og nú langar mig heim að borða. Omg, hvað skal gera. É' bara veit iggi!!

Hey! Hundur, lánaðu mér þetta gula!!

Líkami og sál

2007-07-01T18:22:00.000Z

Áðan var ég í himnaríki!
Já, hvar... það var ekki í faðmlögum föngulegs karlmanns, ó nei. Það var ekki upp í sófa umvafin snakkpokum og nammi og það var heldur ekki úti í náttúrunni með lóu söng í bakgrunni og vindinn leikandi um grassléttur og sóleyjarhaf (þó svo að ég væri alveg til í all of the above!)
Ég var stödd í baðstofunni í Laugum, eins klént og það hljómar. Byrjaði á þvi að fá þetta líka netta og þokkalega frábæra nudd frá virkilega föngulegum manni sem talaði ensku og vildi vera að tala um veðrið á Íslandi. En ég bara hummaði þangað til hann fattaði að ég nennti alls ekki að vera neitt að spjalla. Svo gerði hann bara vinnuna sína og ég verð að hrósa honum hér með, þú stóðst þig vel strákur! Eftir þetta himneska hálftíma nudd fór ég svo í fylgd vinkonu í baðstofuna og þar þræddum við hverja sánuna á fætur annari og prufuðum hinar ýmsu tegundir af sturtun. Lagði þó ekki í finnsku sturtuna sem er fata full af ís-ísköldu vatni, tékka á því næst. Þegar við vorum búnar að athuga með mintu-sánuna, frumskóar-sánuna, appelsínu-sánuna, allar stillingarnar á heitapottinum, hin ýmsu steypiböð og fótabaðið lögðumst við í lazy-boy stofuna þar sem arinn vermir á manni lappirnar dottaði ég aðeins og þar með lauk þessum himneska degi.
Þá er bara spurningin hvers vegna í ósköpunum maður gerir þetta ekki oftar. Ég hef alla veganna ákveðið að gera þetta tvisvar á ári hið minnsta.

þessir menn voru ekki í baðstofunni en það hefði engu að síður vakið mikla lukku ef svo hefði verið.

Sumarið er tíminn

2007-06-24T19:45:00.000Z

Sumarið er komið og það er ekkert nema gott um það að segja. Ég er nú þegar búin að gera fullt af skemmtilegum sumar tengdum hlutum og hyggst halda því áfram er fram líða stundir. Það helsta sem hægt er að telja upp er ferð vestur á Hótel Reykjanes í Ísafirði. Fór þangað með Lalla og Frikka og við skemmum okkur konunglega með "the only gay in the village" BÓKSTAFLEGA!! Mikið stuð. Þær fengu meira að segja fótanudd frá honum í 50 metra náttúrulegu lauginn sem þar er en ég var þá fjarri góðu gamni. Var upp á hótelherbergi og ætlaði aðeins að leggja mig í 10 mínútur.. en það reyndist verða öll nóttin. Í vikunni skellti ég mér svo á völlinn og sá þar íslenska kvennalandsliðið í fótbolta taka það serbneska í nefið. Virkilega hressandi stemmning á sumarsólstöðum. Það er einmitt það eina sem ég er ekki að fíla þessa dagana. Málið er að ég er ekki með sólargluggatjöld í svefnherberginu mínu þannig að sólin skín inn til mín allan sólarhringinn. Verð að fara að gera eitthvað í því. Eða bara gera ekkert í því þangað til í ágúst en þá skiptir það ekki lengur máli!
Gönguferðir og hjólaferðir á Nesinu eru líka alveg málið, með litla vasaútvarpið mitt í eyrunum að hlusta á hressandi þætti á milli kl. 22-24 á rás 2. mmmhhmmm!!
Svo eru það eftir partýin sem eru einkennandi á sumrin. Ekki spillir það stemmningunni þegar farið er í sannleikann og kontór þar sem fólk situr á nærbuxunum og talar um tilfinningar sínar!

á myndinni eru ég og vinur minn í eftirpartýi rétt áður en sannleikurinn og kontór byrjaði!

Dot a tombolu

2007-04-19T19:37:00.000Z

Það er eitthvað svo yndislegt og æðislegt við það að kaupa dót á tombólu. Krakkar sem að nenna að standa í því í dag að vera að safna dóti á tombólu til þess að hanga svo fyrir utan einhverja sjoppu eða búð og reyna að selja fólki, sem yfirleitt á hraðferð, eitthvað drasl á heiður skilinn. Mér persónulega finnst ótrúlega gaman að kaupa dót á tombólu og í þau síðustu þrjú skipti sem ég hef verið stoppuð og beðin um að kaupa varning á verðbilinu 50-200 krónur hef ég ekki hugsað mig tvisvar um og snarstoppað til að kíkja hvað er í boði. Það sem ég hef haft út úr þessum viðskiptum í þessi þrjú skipti er rauð taska sem ég hef notað mikið, gulllitaðir eyrnalokkar sem ég hef ekki notað alveg eins mikið. Einhver sadisti sem aðhyllist fullyrðingunni "beauty is pain" (sem það þarf engan veginn að vera) hefur líklega búið þá til því að þeir eru klemmueyrnalokkar sem að virka svipað og það sem á skrifstofumáli er kalla gatari, meira svona eins og lélegur gatari sem að nær ekki alveg að gata í gegn...ái! Allavegana, í fyrra fjárfesti ég svo í risastóru, silfurlituðu vasadiskói og bara núna í þessari viku datt ég niður á dúndur tómbólu í Grímsbæ. Þar fann ég mega töff Star Wars armbandsúr sem að ég hef ekki látið frá mér síðustu dag og hef nú þegar bundist tilfinningaböndum. Ég mundi giska á að allur þessi varningur hafi kostað sirka 500 krónur...ha..geri aðrir betur!

Ófarir

2007-04-03T21:33:00.000Z

Vá kreisí dagur á enda! Sem betur fer. Hann byrjaði á því í morgun að ég fór í próf í aðferðafræði sem ég var eiginlega ekkert búin að læra undir. Ætlaði að gera það á sunnudaginn en sökum yfirþyrmandi þynnku og þreytu var það gjörsamlega ógerlegt. Líkami minn bara vildi ekki standa upp úr rúminu og hvað þá labba inn í stofu til þess að taka bækurnar upp úr töskunni og fletta eitthvað í þeim, glætan! Í staðinn svaf ég til kl.18 og fór svo í lambalæri til mömmu og fékk bestu brúnu sósu sem ég hef smakkað lengi, betra en allt annað soð og majonesdrull (reyndar er mayones vinur minn) sem ég hef látið inn fyrir mínar fögru og bústnu varir!
Í morgun var ég hins vegar búin að skipuleggja gögnin mín dálítið vel fyrir prófið þannig að ég var með gott aðgengi í það að finna svörin. Snilld, þessi gagnapróf. Eftir prófið hnoðaði ég svo saman skýrslu, páerpojnt sjói og fyrirlestri sem ég var næstum því búin að kúka á mig vegna þegar talvan mín fékk drullu og vildi ekki gera eins og ég bað hana þannig að ég rétt svo náði að senda mér allt klabbið til þess að skila því og sýna samnemendum mínum í tíma. Þar lýsti ég svo óförum mínum við gerð verkefnisins sem vakti mikla kátínu í bekknum, ótrúlegt hvað fólk nennir að hlæja að óförum annarra. Ég er kannski engin undantekning þar á. Missti mig aðeins úr hlátri þegar Sibbi var að reyna að pósa sem Górilla við skrifstofustörf um daginn og ég ætlaði að taka mynd af honum en þá rak hann lúkuna sína í kaffibolla á skrifborðinu sínu sem fór allur yfir hann. Ég hló samt svo mikið, og slefaði örugglega, að ég gleymdi að smella af þannig að það er ekki til nein mynd af Zippo með górillugrímuna, allur útataður í kaffi og símtólið hangandi niður á gólf...nema í hausnum á mér.

Lífið, já lífið!

2007-03-28T13:32:00.000Z

Jú jú, þetta blessaða heimapróf er löngu búið og ég er komin í allt annan gír. Síðasta vika fór meira og minna í það að vinna á Músíktilraunum sem er alltaf jafn gaman, sérstaklega þegar hljómsveit frá félagsmiðstöðinni minni komst í úrslit, svo er bara að bíða og sjá hvað gerist á laugardaginn en þá eru úrslitin. Það sama kvöld er líka litli bróðir minn að fara að halda upp á tvítugs afmælið sitt. Já já hann imúN litli er orðin STÓR!! Er pælingin að troða upp og gera sig að fífli eins og venjulega en það er eitt af því sem ég fíla svo vel við þetta blessaða líf, maður er alltaf að fá tækifæri til þess að gera sig að fífli. Kannski er ég bara svona lagin við að leita þess tækifæri (og ekki tækifæri) uppi. Spurning um að fara að hressa upp á stemninguna á bókhlöðunni...taka með mér apagrímuna og ponponsana og kannski taka smá einleik á nýju gulu blokkflautuna mína sem pabbi ársins hann Bjarx gaf mér, en hann gerðist pabbi nú um helgina. Til hamingju maður;-)

Próf raus

2007-03-11T19:12:00.000Z

Jæja þá er farið að síga á seinni hluta þessa heimaprófs sem reyndist víst þrautinni þyngri þegar á reyndi. En það verður oft þannig þegar maður er illa undirbúinn. En jæja, þetta er samt að hafast. Við Unnur erum búnar að vera mega duglegar og mæta eins og litlir samviskusamir kirkjudrengir. Höfum ekki enn fengið hláturskast líkt og um jólin enda hefur ekkert sést til Ulla okkar. Hann er fjarri góðu gamni og hann um það. Annar hefur reyndar glatt okkar skæru og fallegu augu og það hefur gefið manni auka kraft til þess að kíla þetta áfram. Jæja nóg í bili. Best að klára. Fæ reyndar hroll yfir því að þurfa að funda í sundi á morgun...oohohohoohhh... Funda í sundi! Hverjum finnst það góð hugmynd!! Skil ekki.

Höldum áfram

2007-03-09T11:59:00.000Z

Jæja þá. Fyrst allir eru svona rífandi spenntir að ég haldi áfram að blogga hér að þá verð ég víst að svara þeim óskum. Raddir um sjálfsmeiðingar og refsingar vegna þess að fólk fá ekki skammtinn sinn af Mannfreð daglega láta einfaldlega hárin á baki mér rísa þannig að ég get ekki annað en haldið ótrauð áfram.
Í gær gerði ég mig að algjöru fífli fyrir framan ca.400 manns. hoppandi um á sokkabuxunum með górillugrímu á hausnum og klappstýru ponpons í höndunum við lagið Chariots of Fire spilað á panpipes... þetta er víst bara eitthvað sem fylgir starfinu og maður veður að gera það sem maður þarf að gera!
En hvað um það, núna voru mér að berast spurningar á tölvupósti fyrir heimapróf sem skal þreytt um helgina. Gangi mér vel.

Gleðilega hátíð

2006-12-27T12:56:00.000Z

Kæru vinir, nær og fjær. Vonandi eru þið búin að hafa það gott um jólin so far. Þetta er nú bara hálfnað, hressi parturinn er eftir.
En já, ég fékk fullt fullt af frábærum jólapökkum m.a. nýja sæng og kodda, þrenna eyrnalokka, peysu og tvo geisladiska. Svo át ég u.þ.b. sem nemur heilum hest! Var í líkamlegri vanlíðan öll kvöldin því að ég var búin að vera að troða í mig kjöti og sósu og brúnuðum kartöflum frá því ég vaknaði. Svo fór ég líka í eina skírn og tróð mig þar út af þremur gerðum af brauðréttum...mmm...
Allavegana nóg af þessu hjali, skrifa næst þegar ég hef eitthvað að segja.
á myndinni er ég að háma í mig eftirréttinn á aðfangadag

Spikaði moðhausinn Ulli fór í reðurígræðslu...jibbí..og hann er með exem!

2006-12-14T21:11:00.000Z

Já þið veltið eflaust fyrir ykkur hvort ég sé endanlega gengin af göflunum með þessari fyrirsögn. En nei ekki aldeilis. Málið er að þegar maður er að skrifa ritgerð þá eru flestar heimildir á ensku. Það er til snilldar síða á netinu sem heitir orðabok.is og er hún algjört þarfaþing við slíka vinnu. En það skemmtilega við hana er það, að þegar maður flettir upp einhverju orði og vill fá þýðingu frá ensku yfir á íslensku fylgir alltaf með eitt orð sem er líkt því sem maður bað um þýðingu á, nema að það er á íslensku yfir á ensku. Flókið? Nei alls ekki prófið þetta bara sjálf.
Nú, þetta væri að sjálfsögðu ekki frásögu færandi nema fyrir þær sakir að alltaf þegar ég slæ inn orð til að hjálpa mér við þýðingar á heimildum að þá kemur eitthvað hrikalega fyndið orð með á íslensku, sem kemur þýðingunni ekker við. Til dæmis þegar ég sló inn orðið mobilise sem þýðir: kalla til starfa, virkja eða hervæðast, kom íslenska orðið moðhaus með. Þeim á orðabok.is finnst það greinilega eitthvað líkt, ég veit það ekki. En þetta getur verið bráðskemmtilegur leikur og vel hægt að skemmta sér við þetta löngum stundum. Eflaust er þetta samt ekki fyndið nema það komi óvænt þegar maður er að vinna í svona ritgerðum og svoleiðis. Ég tala nú ekki um þegar maður er á bókhlöðunni og ekki vinsælt að maður sé að springa úr hlátri. Ég og Unnur erum ekki þær vinsælustu hér, get sagt ykkur það. En Ulli elskar okkur, samt, ég veit það og hugga mig við það;-)

2006-12-07T19:17:00.000Z

Ég mæli með

guitar-hero á ps2
bókhlöðunni
jólasveinum
umli á bókhlöðunni
kyngervum af ýmsu tagi
handaáburð
sea turtles from kuwait

Ég mæli ekki með

gervibrjóstum
durkheim
að þurfa að hlamma á bókhlöðunni
að fá hláturskast á bókhlöðunni út af afríku barni (guð blessi afríku barnið)
súrefnisskorti

Veri þið sæl.

með hausinn og skottið fullt af skít

2006-11-26T16:04:00.000Z

Mig langar heim!! Ég er í sjálfheldu. Það er ekki neitt sérstaklega gaman. Þannig er málum háttað að ég á að skila 10-12 blaðsíðna ritgerð á þriðjudaginn og ég er ekki byrjuð, FOOOOKKK!! Veit ekki alveg hvar hausinn á mér hefur verið þessa dagana. Kannski uppi í rassinum á mér? Ég bara veit ekki. En eitt veit ég og það er að ég er í djúpum skít, með "skottið fullt", uppá bókhlöðu að eipa úr stressi en samt sallaróleg að blogga. Þetta er alveg ekki ástandið sem ég kaus í morgun:( En hvað um það. Ég redda þessu.
Í gær sá ég ógeðslega skemmtilega mynd, svona hressandi mynd. Það eina sem vantaði var almennilegur sleikur, það verður að fylgja. En ég hef uppgötvað Robert Downey Jr. uppá nýtt og um jólin ætla ég að leigja allar '80 myndirnar hans, vúhú, það verður stuð.
ble í bili úr héðan úr the panic room. góðar hugsanir um að þetta reddist vel þegnar. Hjálpar höndum frá þeim sem vita eitthvað um Durkheim verður svo sannarlega ekki vísað frá;)
mynd: ég alveg að panikka, hringjandi í alla að biðja um hjálp!

Óumbeðið hláturskast

2006-11-23T17:12:00.000Z

Hvað gerir maður þegar maður er staddur í tíma í skólanum og það eru samnemendur að halda fyrirlestur og allt í einu fær maður þetta líka rosalega hláturskast. Hvað getur maður gert til þess að líta ekki út fyrir að vera algjör fáviti? Það vita allir hversu taugatrekkjandi það getur verið að halda svona fyrirlestra þó svo að maður kannist við flesta sem sitja kúrsinn. Hvað þá þegar einhverjir bjánar (ég og unnur) sitja úti í sal og eiga bágt með sig fyrir púkastælum! Það er bara einhvern veginn þannig að þegar maður byrjar að hlægja að einhverju(m) og maður má það alls ekki því að það er svo mikil óvirðing að þá bara magnast það upp og ALLT verður fyndið það má ekki læðast inn hugsun um massaðan karl á desktoppi, rasista (að eigin sögn) með skipt í miðju eða "glass eyed freak" þá bara er þetta búið. Allt mjög persónubundin dæmi, ég veit, en það skiptir ekki máli því að: Unnur ég held að þú sért sú eina sem lesir þetta bull í mér, hehe. En alla veganna þið/þú vitið eflaust alveg hvað ég meina. Úff það eymir enn af þessu síðasta hláturskasti í maganum á mér hehehehehehehe.....
jæja bæ

mynd: ég (til vinstri) og unnur (til hægri) í tíma í dag!

don't you cryyyyyyyyyyy tonite

2006-11-21T18:17:00.000Z

Hvers vegna ætli standi á því að það sé svona gaman að gera klippimyndir. Það er ótrúlegt að maður hlær alltaf þegar búið er að líma haus af karli á búk af konu, það klikkar ekki, þið verðið að tékka á því. Það er einn snilldar krakki hérna í vinnunni sem gerir alveg magnaðar svona myndir, ætlum að halda sýningu og þá verða allir að koma og kíkja á stuffið.
Var að læra smá í táknmáli í gær og ég er orðin húkkt á því að læra stafrófið á táknmáli...þetta er með eindæmum skemmtilegt. Var að reyna að fá Unni til að vera með mér í því þannig að við gætum talað saman á bókhlöðunni með því að stafa á táknmáli..hún var ekki til í það, skil ekki af hverju...Unnur AF HVERJU!!!!? Kannski finnst mér þetta bara svona skemmtilegt því að þá þarf ég ekki að vera að gera ritgerð(ir) á meðan....það er mjög mikilvægt að læra táknmál!
En jæja, kveð í bili. Farið nú að gera klippimyndir, góða skemmtun;-)

nótt í vinnunni

2006-11-17T12:44:00.000Z

úúú...ég er að fara að eyða nóttinni í vinnunni, hlakka svooo mikið til (eða þannig). jújú þetta verður ekki svo slæmt. sykur sjokkeraðir unglingar með svitafýlu tætandi og tryllandi í hálfan sólahring! það gerist ekki betra. spurning hvernig geðheilsan verður eftir svona kreis?
svona þreytt verð ég eftir þessa nótt..

2006-11-15T11:57:00.000Z

Fór í heilnudd í morgun..mmmmmmm.. það var alveg ákaflega þægilegt. Hún Sunna litla (samt stærri en ég) frænka mín er algjör snillingur, snyrtikona með meiru. Það er svooo kalt að það veitir víst ekki af að hita kroppinn aðeins upp fyrir átök líðandi stundar, maður á alveg nóg með daglegt amstur hvað þá allt sem leggst ofan á það.
En nóg um það. Ég er nú stödd við upphaf ritgerðasmíða sem gengur ekkert. Það er svo erfitt að byrja að það er fáránlegt. En svo veit ég alveg að þetta er ekkert mál þegar maður er bara byrjaður. Ekki nóg að vita það maður verður víst að gera eitthvað í því. Æi, ég nenni ekki að stressa mig. Það eru að koma jól og ég verð bara að komast í gegnum þetta ritgerða og prófa tímabil með reisn. Þetta tímabil er reyndar ekki búið fyrr en 20 des. hva, það er bara mánuður.

...oooog þá lýkur formlega leiðinlegasta bloggi veraldar. takk fyrir mig veriði sæl.
lofa engu með að vera skemmtilegri næst!

ég í nuddinu í morgun eins og engill, sjáiði hvað ég var fersk kl. 8:15!!

mannfredo is back in buissness

2006-11-06T14:16:00.000Z

já humm ha.. meira blogg, það getur nú bara vel verið að það fara í gang aftur.. tíminn mun leiða það í ljós. mig vantar bara netið heim til mín þá gæti ég bloggað kvölds og morgna, þegar mér hentaði. er einhver sem vill gefa mér símanúmer og 4000 kall á mánuði... anyone, anyone??

manni kveður í bili

2006-09-26T18:58:00.000Z

hættur að blogga hér, púllaði john baylon yfir á myspace

þvæla

2006-09-22T18:07:00.000Z

Það er föstudagur og það er sól og það er gaman (vá ég er alltaf að tala um veðrið). En ég er ekki í sólinni því að ég vinn í gluggalausu rími sem er grafið ofan í jörðina... En nóg um það.

Ég er að fara í ógeðslega skemmtilega veislu á morgun (vonandi). Hlakka alveg mega mikið til að fara í afmælisveislu einnar ágætrar snyrtistofu hér í bæ því að ég var einu sinni að vinna þar og þess vegna fékk ég boð. Já ég ætla að skella mér og verða tipsí með heldri konum og tala um eitthvað snyrtilegt og lekkert, og segja "gasalega" mjög oft! Topp!

Fór að sjá Leonard Cohen myndina á kvikmyndahátíð um daginn og hún var fín. Hann er HEL sexí þessi maður...vá! Svo var líka Nick Cave í henni og hann tók I'm your man af mikilli snilld, hann er ekki sem verstur sjálfur þó svo að hann sé 14 kíló og með kómóver! En mæli alveg með þessari mynd fyrir þá sem hafa gaman af sögum og LC. Vill þó vara fólk við að U2 nær að troða sér þarna inn (god nows why!!!), skemmdi pínu fyrir en maður lifir það af. Hef gert það hingað til.

bless og góða helgi

á myndinni er ég að gleðjast með gömlu starfsfélögunum

2006-09-19T12:35:00.000Z

hei, fór einhver í Vetrargarðinn að taka á móti Magna? Ég klikkaði á því, frétti samt í gær að hann hefði sagt "hell yeah!!" í gríð og erg. Magnað!

En þá er kominn tími til að skella sér í bíó. Tékka á kvikmyndahátíðinni, sem er að verða búin. Jebb. Leonard Cohen. Það má ekki láta þann kynþokkapúka framhjá sér fara.

Það er rigning

2006-09-15T11:41:00.000Z

Magni var í 4. sæti...phhuu..lélegur árangur. Allir búnir að vera ýkt duglegir að vaka og kjósa og stiðja þennan skallapoppara og svo vandar hann sig bara ekki neitt og lendir í síðasta sæti í úrslitaþættinum = tapaði! Ég er ekki ánægð með þetta. Kannski er ég bara bitur af því að ég sofnaði þegar úrslitin voru að fara að byrja, gat bara ekki haldið mér vakandi yfir klukkutíma upprifjun sem ég var búin að sjá... þoli ekki upprifjunarþætti í svona raunveruleika seríum.

En lífið heldur áfram. Post-supernova. Maður verður bara að finna sér eitthvað annað til þess að verða hooked á. Gæti til dæmis farið að læra heima og einbeita mér að skólanum....neee. Ætla frekar að fara að fylgjast með ANTM, eða bráðavaktinni, sá einn þátt um daginn og ég gæti alveg hugsað mér að ánetjast þeim þáttum aftur eftir 7 ára pásu eða svo.
þessi er alveg brjálaður út af úrslitum Rockstar..

Þjóð sem kann víst að standa saman..

2006-08-31T09:35:00.000Z

Jæja, þá er það staðfest að Magni er kominn í 5 manna úrslit í Rock Star. Fékk flest atkvæði allra í þættinum í gær!! Þetta getum við. Allir standa saman og leggjast á eitt og þá er allt hægt. Hvar var þessi samstaða í mótmælum við Kárahnjúka, Íraksstríðið... Hvers vegna voru ekki sjónvarps- og útvarpsauglýsingar þá til að fá alla niður á Austurvöll til þess að mótmæla, standa saman gegn valdinu sem valtar yfir okkur? Kannski voru þær þar en meðaljóninn tók bara ekki eftir því vegna þess að það tengdist ekki skemmtanaiðnaðinum. Svo pirrast maður út í unglingana sem svo erfitt er að fá til þess að kíkja á hliðargötur mainstream-strætis þegar maður tekur sjálfur ekki þátt í því að mynda samstöðu og öflugt hópafl gegn því sem skiptir virkilega máli. Já, ég held að ef allir þeir sem vöktu og kusu Magna í fyrri nótt , þar á meðal ég, ættu að hugsa hvað þeir gætu gert næst þegar stjórnvöld taka mikilvæga ákvörðun um landið okkar og gjörðir þess. Það er gott að vera vitur eftri á!! En maður lærir meðan lifir og það þýðir ekkert núna að segja "hvað eigum við svo sem að gera..." Við getum bara gert helling. Alla vegana ætla ég að gera eitthvað.
mynd: ég að gera eitthvað

2006-08-28T15:28:00.000Z

Jæja, ég hljóp. 17 mínútur. Jebb, nokkuð ánægð með það. Stefni svo bara á 10 km. næst. Ætla að mynda hlaupa grúppu fyrir það. Áhugasamir hafa bara samband við Þórhall vin minn, hann sér um allt svona fyrir mig.

Skólinn að fara að byrja. Vinnan byrjuð. Lífið heldur áfram. En djammið er leiðinlegt. Nenni því ekki. Er hætt í bili, að fara í bæinn a.m.k. Þetta er tómt vesen. Og peningna eyðsla mikil.

Hlakka til að komast í jólafrí. Of snemmt!? Veit það ekki. Spyrjum að leiks lokum.

Farin að tala í síman. Bless í bili.

Óvænt!!

2006-08-18T11:50:00.000Z

Jæja, þá er bara sólahringur í hlaupið, spennan magnast!!
Í gær fór ég í surprise partý sem var haldið fyrir einn góðan vin á bar í bænum. Hann varð alveg orðlaus og ótrúlega glaður. Það er þó kannski aðeins of djúpt í árina tekið að segja að maðurinn hafi verið orðlaus því þetta var enginn annar en hann Giorgio og hélt hann bara 3 ræður og söng eitt lag (í sínu eigin afmæli) en á hans mælikvarða hlýtur það að teljast orðleysi!!
Ég fór að velta þessu fyrirbæri fyrir mér sem svona óvænt partý eru. Það hlýtur að vera alveg frábær tilfinning að halda að maður sé bara að fara á kaffihús með nokkrum vinum og svo tekur bara við þér risa hópur af fólki sem þekkir þig úr öllum áttum. Að vita til þess að allir hafi lagt það á sig að hafa samband og mynda net í kringum þig þannig að fólk úr sem flestum áttum geti komið. Allir svo alveg þvílíkt að passa að þú fattir ekki neitt. Alveg magnað. Ég ætla að fara að gera þetta. Bara af minnsta tilefni. Safna fullt af fólki saman til þess að fagna hinu og þessu hjá vinum mínum. T.d. ef Þórhallur (sem er á myndinni hér fyrir neðan) fær góðar niðurstöður úr ristilskoðuninni eða ef Sveinn höslar á djamminu á morgun...það eru ýmsir möguleikar í þessu.
ég smellti þessari mynd af giorgio í gær þegar hann mætti í partýið. sjáiði hvað hann er rosalega hissa...

læri læri tækifæri

2006-08-15T13:37:00.000Z

ég ætla að hlaupa 3 km í Reykjavíkur Maraþoni Glitnis! Jebb, ég bara hendi þessu hér með á alnetið eins og ekkert sé. Sumir mega halda því fram að ég muni aldrei getað staðið við þetta en jú, það get ég svarið að ég ætla... að reyna! Það er nú ekki eins og ég sé að tala um 42 km maraþon, spandex galli, vatnsbrúsabelti, sérhannaðir hlaupaskór og svitaband. Meira svona það sem kallast skemmtiskokk, gömlu ML-bekkjabúningsbuxurnar, músíktilrauna stuttermabolur og gamlir strigaskór sem ég ákvað að yrðu hlaupaskór og svitaband, það er það eina sem fær að fljóta með sem gæti kallast alvöru hlaupadót! Þið sem viljið koma og hvetja mig þá er ræs klukkan 11:00 á laugardagsmorgun, ætli ég verði ekki ca. hálftíma að skokka þetta þannig að ég verð í markinu um kl 11:30, hvet alla til að hvetja mig! Svo er það bara sund og svo menningarskammtur ársins. Sjáumst;-)
mynd til hægri:ég að æfa mig fyrir skemmtiskokkið á tánum...ég er svo mikið náttúrubarn

mynd til vinstri:vinir mínir Þórhallur og Sveinn að hvetja mig áfram

2. í sumarprófs læri

2006-08-01T12:22:00.000Z

Jæja þá er ég mætt aftur. Hef ekki getað fengið mig til þess að drullast hingað fyrr vegna biturrar reynslu í síðustu viku. En núna er ég hér. Hefði líklega ekki komið nema af því að Auður hlunkur er hér líka að engjast um...
En já, sólin skín og það er 20 stiga hiti svo að ég bíst við að dvölin mín hér í dag verði ekki ýkja löng... ok ég er hætt að tala um það, og vorkenna mér að ég þurfi að vera að læra, þetta er jú mitt eigið val!!
Keypti mér tölvu í gær og BT var alveg að missa sig í að gefa mér eitthvað frítt með. Það fyndnasta sem ég fékk var kassi, já kassi af nýja orkudrykknum BT Bomba. Þannig að ef ykkur vantar orku til einhvers, já hvers sem er þá skal ég skaffa orkuna.
á myndinni eru ég og vinir mínir að flippa eftir að hafa drukkið heilan kassa af BT Bombu..

1. í sumarprófs læri

2006-07-26T15:07:00.000Z

oooohhh...það er alveg hellað að vera á bókhlöðunni á sumrin. ég er svoooo ekki að nenna að vera hér. Fyrir utan að það eru svona 20 hræður á öllu safninu, allar jafn niðurlútar og ég (virðast alla veganna þannig) að þá þekki ég enga þeirra og þar af leiðandi er enginn hér til þess að fara með mér í kaffi, sem er það skemmtilegasta við það að hanga á bókhlöðunni... þetta getur bara ekki batnað. En nú er ég búin að fá nóg í bili og ætla heim að fá mér í gogginn.
Er svo í kvöld að fara að hitta danska vinkonu systur minnar í mat á Hraunteignum. Síðast þegar ég hitti hana voru ég og mín ástkæra systir að rífast eins og hundur og köttur (ég var kötturinn), kemur á óvart! Vorum einhvers staðar á Stikinu danska eftir langt nætur gaman að þræta um...tja gvuð má vita hvað...! Þannig að nú þarf ég að vera alveg "hæ, ég er ekki svona klikkuð eins og þú heldur litla danska snót..ha hah ha!" iikhh, fæ klíju nenni ekki að þykjast ekki vera klikkuð þegar alheimurinn veit betur.
jæja..held að það sé kominn tími fyrir mig að borða gleðipillur og fara heim að púsla..ble
myndin er af mér eftir að ég hef tekið of margar gleðipillur, búin að missa mig í háralitun og farin að stjórna karókí gleði frá mínu eigin heimili..svona fer bókhlaðan á sumrin með mann!

Krapp

2006-07-20T11:06:00.000Z

kann ekkert að setja link hérna til hliðar þannig að hér kemur slóðin á myndasíðuna mína: http://public.fotki.com/herbertinn/

oooog...allir hoooppa...

2006-07-20T10:45:00.000Z

Góðan dag fallega fólk.

það er svo gott veður að ég svíf á bleiku skýji í hæstu hæðum og syng..."horfð'á björtu hliðaaarnaaar, heimurinn hann gæti verið verrrrri..." er líka að hlusta á Rás 2 og kallinn er eitthvað að tala um það að það séu einhverjar milljónir manns í heiminum að fara að hoppa á sama tíma núna eftir smá stund og það á að breyta einhverju um það hvernig jörðin snýr eða einvern djöfulinn!!! Hann skaut því samt inn í að ef þetta mistekst eða tekst of vel að þá gæti jörðinn farið af sínum sporbaug og lent einhvers staðar hjá Plútó. Sel það ekki dýrara en ég keypti það! Veit líka ekkert um hvað ég er að tala.

En að öðru. Ég er komin með myndasíðu og er slóðin hér til hliðar. Þar er hægt að skyggnast léttilega inn í mitt uppákomusama líf og ekki vera hrædd við að láta í ykkur heyra hér;)

Eftir tvo daga er ég komin í frí, jibbí. hlakka mikið mikið til. Þarf samt aðeins að læra fyrir eitt próf en það reddast.

ble í bili og njótið sólarinnar gott fólk.
á meðfylgjandi mynd er óli sem ég vinn með að panikka yfir þessum fréttum með hoppið...

2006-07-03T14:23:00.000Z

Helgin mín var svona aldeilis fín. Horfði á HM, djammaði pínu, söng eins og engill í singstar, svaf, át mikið og fór í alveg hreint æsispennandi fjallgöngu leiðangur á laugardaginn. Skellti mér upp í Botnsdal í Hvalfirði með Gunnu og Árna G. Auðvitað ekki hægt að búast við neinum venjulegum degi með þessum tveimur. Ferðin upp að Glym gekk nokkuð vel þó svo að á tímabili hafi Árni verið nærri því að sprengja okkar óþjálfuðu hjörtu og vöðva, við vinkonurnar erum ekki í alveg jafn góðu formi og fyrrnefndur Árni. En það gekk allt á endanum 0g við náðum að borða nestið okka á góðum stað nærri fossinum, ég var btw með lang lang heilsusamlegasta nestið, mjög stolt af því. Á bakaleiðinni ákváðum við aðeins að fara aðra leið og þurftum við að vaða yfir á á tveimur stöðum. Það gekk ekki betur en svo að ég missti skóna mína ofaní ána og gekk því í votum skóm til baka og Gunna henti sínum ofaní af mikilli snilld með þeim afleiðingum að þeir fóru á fullt skrið með straumnum niður ána. Hann Árni okkar var ekki lengi að klæða sig í skóna sína og hlaupa af stað á eftir skótuðrunum hennar Gunnu. Við sáum ekkert hvert hann fór maðurinn hljóp svo skart niður eftir (eins og honum einum er lagið) og vissum ekkert fyrr en við sáum hann koma til baka með veiði dagsins og stoltið skínandi. Gunna var mjög þakklát. Auðvitað þurfti ég líka að misstíga mig, er ennþá pínu aum en það var ekkert mál því ég gat hlegið endalaust af óförum vinkonu minnar,hehehe.
ég á toppinum á fjallinu

Óli og unglingavinnan

2006-06-13T16:25:00.000Z

Sælt veri fólkið, þ.e.a.s. ef einhver er enn að kíkja hér inn. Ég er búin að vera löt að blogg ég veit en ég nenni ekki að tala um það. Ég er að vinna í unglingavinnunni já það er gaman. Ég er samt enginn harðhaus í því að leiðbeina þessum blessuðu unglingsskinnum. Ekki eins og tíkin sem var með mig sumarið eftir 10.bekk. Hún var sækó. Setti mig og Röggu á Svartasta Lista Ever!! fyrir að vera lengi að planta trjám. H'un fór líka uppeftir á kvöldin og gróf upp tré sem við í hópnum höfðum verið að planta um daginn og einu sinni rak hún tvo stráka því hún böstaði þá fyrir að hafa grafið nokkur tré í holu!! Spes, pælið í að nenna því. Svo einu sinni var ég með leiðbeinanda sem ég og Þurí vinkona vorum í pínu uppáhaldi hjá. Við fengum alltaf að vera inni og þrífa skúrinn ef það var ringning og svo einu sinni borgaði hann okkur 2000 kall á mann fyrir að fara heim til sín og þrífa íbúðina hans!!! Ennþá meira spes... Sá væri ekki lengi að fjúka í dag. Ég er reyndar ekkert viss um að hann hefði haldið þessari vinnu ef þetta hefði spurst út. En já þetta eru sögurnar mínar úr unglingavinnunni. Það er sko ekkert svona í hópnum okkar Óla, við viljum ekki sjá það að vera að bjóða þeim heim til okkar, hvað þá að kíkja hingað eftir vinnu til að ganga úr skugga um að allt sé gert rétt...
hér sjáið þið hann Óla sem ég vinn með. Hann mundar úðarann af snilld...

Crasy

2006-05-18T14:53:00.000Z

Ooohh...ég er alveg kreisí í lagið Crasy sem er alltaf í útvarpinu...vvvúúhúú! Er að vinna í símadömujobbi í Tónabæ þessa dagana. Mikið fjör..:-/ En já, Júróvision,Reunion og Joanna Newsom... Þetta verður rosaleg helgi. Hlakka svo mikið að hitta gömlu skólafélagana að ég er að kúka í mig. Veit ekkert hvernig það á eftir að vera, en veit þó að það verður stuð. Hverfisbarinn klikkar líka ekki, jájá þetta verður haldið á þeim magnaða stað. Svo er það Júróvision. Hef nú líst því yfir áður hér á þessari síðu að ég er komin með algjört ógeð á henni Silvíu. Held að ég hafi skrifað það í mars, þannig að þið getið ímyndað ykkur hversu glöð ég er með hana núna:-! En ef ég þekki mig rétt á ég eftir að fyllast þjóðernisstolti á laugardaginn (þ.e. ef hún kemst áfram). Það gerðist alla veganna þegar Jónsi var að keppa með Heaven. Ég var alveg bara "já við vinnum þetta" þegar hann var búinn að flytja þetta hörmulega lag! Svona getur maður verið geðbilaður stundum. Sjáum til.

Sumarið er komið

2006-05-11T16:34:00.000Z

Vúúhúú...ég er búin í prófum í bili;-) Gaman gaman, og sólin er hætt að skína en nó vörrís engin tregi með það vissi að það myndi verða svona þannig að ég er ekkert vonsvikin. Vá, ætli sé hægt að gera þetta með allt, bara ákveða hvernig það verður og þá er maður sáttur!? Nei, maður fær svo sjaldan það sem maður vill...en ég vil nú samt fá decent einkunn í þessu prófi sem ég var í og, já ég verð vonsvikin ef það gerist ekki. ok, búin að kollvarpa kenningunni minni, heheh. En mér er alveg sama því ég er búin í prófum í bili;-)

Segi bili því ég fer í eitt sumarpróf. En það er allt í lagi. Það verður sól á meðan ég er að læra, gott fyrir ykkur hin:-) ok 3 broskallar í einn lítilli færslu, geri aðrir betur;-)-4

ble he.

Peninganöldur

2006-04-28T11:13:00.000Z

Af hverju er maður ekki bara með peningana sína undir koddanum og merkir við í litla bók þegar maður eyðir einhverju! Skil ekki. Það er bara tómt vesen að vera í banka. Þeir eru eitthvað svo pirrandi. Vilja aldrei láta mig fá pening þegar ég þarf á honum að halda og eru alltaf að biðja mig um að láta sig fá peningana mína. Ef maður væri bara með peningana sína heima t.d. inn í áklæðinu á sófanum þá væri þetta ekkert vesen. Gæti samt orðið það ef það kviknaði í eða ef það væri alltaf að slubbast eitthvað í sófann. Ok. Það væri kannski ekki sniðugt. En ég er bara orðin svo þreytt á þessum símtölum í bankann minn og að reyna að eiga við þessa blessuðu þjónustufulltrúa er stundum eins og að tala við vélmenni. Arg!

Ok. Er hætt þessu nöldri. Það er sól og sumarveður úti og ég ætla að fara út og klæða mig úr fötunum og verða brún á kroppinum. Fór meira að segja út að skokka í gær. Það var alveg yndisleg tilfinning;-) ooohhhhh...orðið bongóblíða er hræðilegt. Er að hlusta á Rás 2 og það er búið að segja það orð svona 10 sinnum á hálftíma í allan morgun.

Mynd: þyrfti að redda mér einum svona klefa út í garð til að geyma peningana mína í.

Góða helgi og hafið það gott í þessari bongóblíðu sem er úti!

Já gleymdi að segja frá árshátíðinni í gullþemanu. Hún var nú bara eins fín og hún getur orðið í sal með tæplega 900 manneskjum, ræðuhöldum, sussi, skvaldri, barþjóni sem kunni ekki að gera mojito, árna georgs, pakka-humarsúpu, hræðilegum skemmtiatriðum frá frístundaheimilunum og hljómsveit sem jahh.. segi ekki meir. En ég skemmti mér konunglega. Fór auðvitað á Ólíver og tók danssveiflu að hætti Bústaða með sigga sving hehe. Þetta var stuð.

g/g

2006-04-21T18:42:00.000Z

Heil og sæl. Ofbauð ég fólki hér með skítapistlinum að neðan, eða? Það kom ekkert kommet! Ég sem hélt ég væri svo fyndin. Jæja, ég skal bara halda mig við væmnina og systur mína og börnin hennar! En já, það er komið sumar. Eða í gær a.m.k. Held að það hafi farið aftur heim í dag, ógeðis veður sem getur verið hér á þessu blessaða landi. Hef ekki frá neinu merku að segja í bili. Er að fara á árshátíð í Gullhömrum á morgun. Fer í fordrykk á Klúbbnum við Gullinbrú. Sem sagt Gull og Grafarvogur tekin með trompi þessa helgi.
Bless og góða helgi.
hér er mynd af mér í árshátíðar kjólnum mínum.
gullið alveg að gera sig..er það ekki annars svona
sem fólk í Grafarvoginum klæðir sig?

Að ganga í hægðum sínum

2006-04-19T18:07:00.000Z

Jæja þá er ég komin aftur til Íslands eftir stutta en afbragðs góða dvöl í Danaveldi. Það voru ferskir straumar sem fóru um í Köben og Hilleröd þessa helgi fyrir tilstilli mína. Eins og ég nefndi hér að neðan verslaði ég fínt mikið. Tívolíið var ekki samt án mín og ég og mín ástkæra systir tókum smá session í símarifrildi á laugardagskvöldið eftir gott djamm, bara svona fyrir good-times-seik! Ég át eiginlega bara hvítt brauð alla ferðina og drakk smá bjór og klósettið hennar Kristínar fékk líka alveg að finna fyrir því morgunninn sem ég fór heim. Það gerðist nefnilega svolítið sem maður villa aldrei að gerist þegar slíkt ástand er, þið vitið. Já það var allt í einu ekki hægt að sturta niður!! En hún Krístín mín hefur nú upplifað rosalegri fnik og ...stöff. Man þegar aðalsportið í ML var að fara inn í annarra manna herbergi til þess að gera númer tvö. Herbergi þeirra Krístínar og Rósar var ósjaldan stinkandi...hehehe. Það þurfti ekki svona prakkaraskap til að fá lykt í herbergi okkar Jósu, við sáum alveg sjálfar um það hehehe.
Skítablesinn ég kveð í bili. Takk fyrir veturinn. Á morgun er komið sumar;-) E.s. hvar var þessi gaur um helgina?

Hvad er ad ske..

2006-04-13T12:18:00.000Z

Ég er í Danmørku. Tad er gaman. Er hjá systur minni í Hillerød. Ætlum í bíó á eftri á danska mynd...when in DK do as the DKs do! Systir mín talar dønsku, tad er fyndid. Ég er búin ad versla ógó mikid í H&M:/ Ætlum í Tívó á laugardaginn. Iceland Express gaf øllum í vélinni frímida í tívolíid tví tad var ad opna í gær. Allir í vélinni kløppudu, tad var cheesy. Nema ég, tóttist vera sofandi, meikadi ekki tessa væmni!
èg sofandi í flugvélinni..
Later.

2006-03-24T17:18:00.000Z

Hvað er að vera ofurvæminn? Ég á einn vin sem segist ekki þola stelpur sem eru ofurvæmnar. Honum finnst allt í lagi að vera pínu væminn, þ.e. að geta aðeins sínt á sér mjúka hlið og verið einlæg en ekki ofurvæminn, god forbid! En hvað er það? Þegar hann loks var inntur eftir því hvað hann væri eiginlega að meina þá var þetta niðurstaðan; "sko, það eru bara stelpur sem eru alltaf að tala um börn og systur sínar og kettlinga (nei, ég man ekki hvort hann sagði kettlinga en ég ákvað að stinga því inní) og hringja í kærstann sinn þegar hann er að djamma bara til að segja honum að hún sé heima að horfa á Summerland og þá fór hún að hugsa um hann". En ég meina! Börn og systur sínar??. Málið er að hann gat ekki sagt neitt þegar hann átti að útskýra ofurvæmni en á einhvern furðulegan hátt skildi ég hann samt. Mín skýring á ofurvæmni er hins vegar sú að það eru bara einhverjar týpur sem segja alltaf, "ég veit það ekki" og "mér er alveg sama" og "uppáhalds hljómsveit? guð þær eru svo margar,ég veit það ekki, ég er algjör alæta á tónlist" jájá, vertu bara heima og hlustaðu á U2, klappaðu kettlingum og börnum systur þinnar.

Annars held ég að allir eigi sínar ofurvæmnu hliðar. Mín er til dæmis gagnvart því að...já.. klappa kettlingum og kisum bara yfir höfuð. Elska þessi litlu kríli, krúsímúsílúsíkrús...

Á myndinn er systir mín og barnið hennar, ég og sonur minn og einn lítill sætu kettlingur.

Heitur gaur, tarot og lélegasta mynd í heimi

2006-03-20T16:05:00.000Z

Já helgin er liðin og hún var býsna/bísna(?) fín að þessu sinni. Byrjaði með Árshátíð mannfræði félagsins Ellisworth Huntington. Það partý gekk út á það eitt að haga sér eins og þegar maður var 18 ára og ég held að við höfum slegið heimsmet í trúnóleikjum. Mynd: partýið á föstudaginn.
Svo var haldið í bæinn og sú ferð var árangursrík og fræðandi!
Á laugardag fór ég svo í afmæli til Bylla og þar átti ég í samræðum við tvær aðrar um heitasta gaurinn á Íslandi í dag. Hann er í hljómsveitinni Reykjavík og þið megið geta hver það er sem við náðum að tala um í klukkutíma samfleitt...og slefa. Mynd: hér er verið að tala og slefa yfir heita gaurnum.
Í gær sunnudag elduðum ég og Jósa, sem kom í helgarferð á Seltjarnarnesið, silung og grasker og fleira gott og dóum næstum því úr sælu... Svo tókum við smá tarot session (takk fyrir það Gunna) og enduðum frábæra helgi á því að horfa á hræðilegustu mynd í heimi sem heitir Monster in Law (það er rétt hjá þér Siggi, Nesval er ekkert sérstaklega heit videoleiga)
Sem sagt..bros á vör og gleði í hjarta á mánudegi.

Gamlingjatal

2006-03-17T10:06:00.000Z

Nú finnst mér ég ekki vera neitt sérstaklega gömul. Árin hlaðast á mann bæði utaná og inní en ég tel mig samt ekki vera neitt sérstaklega mikið eldri í anda en þegar ég var 23ggja. Samt eru litlir hlutir í þessum efnum sem eru farnir að benda til annars. Ég er til dæmis farin að hlægja að Spaugstofunni. Það getur bara þýtt tvennt. Annað hvort hef ég svona hræðilega lélegan húmor eða þá að ég er komin á þann aldur, andlega að ég er farin að skilja þennan húmor. Ég og Jósa vorum til dæmis að horfa á þá félaga um daginn og hlógum og sögðum svo "djöfull eru þeir góðir!" Þetta hefði ekki gerst fyrir ca. 4 árum. Svo er ég farin að fara í göngutúra. Það er kannski ekkert sérstaklega ellilegt fyrir alla en fyrir mig er það það. Mér finnst alveg sértaklega skemmtilegt til dæmis að ganga um hverfið mitt á kvöldin og horfa inn um glugga hjá fólki, þetta er orðið eitt af mínum uppáhalds iðjum. Ok, kannski þýðir það bara að ég er að breytast í "peeping tom" og hefur ekkert að gera með aldur! Eitt í viðbót sem ég var að spá í og það er að ég er farin að nota orðið gamli svona bara eins og maður notaði maður hér áður fyrr. T.d. "hey, gamli hvað ertu að gera?" eða sendi sms og skrifa "hvar ertu gamli?" en það þýðir samt ekki að ég sé að tala við gamalt fólk. Kannski eru þetta allt skírskotanir í það að ég vilji fara að hanga með eldra fólki, hanga heima á laugardagskvöldum og horfa á Spaugstofuna og fara svo út í göngutúra með gamlingjagenginu mínu og kíkja á glugga. Tékka hvað hinir eru að gera á laugardagskvöldum. Ég og gamlingjakrúið mitt á góðum laugardegi að sumri til.

Hressandi hversdagsleiki

2006-03-15T12:00:00.000Z

Ég er í mannfræði. Hvað er mannfræði spyrjið þið kannski. Ég veit ekki svarið, þið verðið bara að googla það til að komast að því. Ég fór til læknis í morgun og þá kom í ljós að hann (heimilislæknirinn minn) skrifaði einhvern tíman mannfræðigrein í erlent tímarit. Hann gaf mér greinina og var augljóslega stoltur af henni. En hann flissaði engu að síður nett framan í mig þegar við vorum að ræða fræðina og námið. Sagði mér líka brandara (veit ekki hvort hann bjó hann til eða hvað!) sem hljóðar svo: Tveir mannfræðingar voru að tala saman, þá sagði annar; " hvað má bjóða þér?", hinn: "eina með öllu takk". Ha ha. Annar var að vinna í pulsuvagni og hinn var að versla af honum...= mannfæðingar hafa ekkert að gera var það sem læknirinn minn var að reyna að segja mér. Og það sem var að mér samkvæmt lækninum er það að ég er með vöðvabólgu í brjóstvöðvunum og þess vegna er mér svo oft illt í lungunum og næ ekki almennilega andanum. Allt þetta stafar af stressi... ohhh þetta er svo spennandi og skemmtilegt þetta líf. Ég er biluð í líkamanum út af stressi, læknirinn segir brandara um námið mitt og ætlast svo til að þetta lagist með smá teigjum og íbúfeni! Ég er ekkert stressuð nei nei, er bara í tilgangslausu námi, keypti mér síma í síðustu viku, hann er bilaður(dauður) og er ekki með bílpróf vegna heimsku. En ég bý úti á landi, vinn hjá íTR (ljósið í lífi mínu) og bankinn var að hringja og bjóða mér í Gullvild (sem er örugglega eitthvað voða lekkert fyrirbæri)...vonandi.

e.s. ef það er einhver þarna úti sem ég hef svikiðum símtal eða eitthvað álíka símatengt þá er það óviljandi. Síminn minn dó um daginn og flest öll númerin mín með honum... hvar er íbúfenið... Myndin er af mér eitthvað að stressa mig við bókalestur..

2006-03-14T09:44:00.000Z

Sælt veri fólkið. Nei ég er ekki hætt. Gleymi þessu oft, nenni ekki stundum og hef ekki tíma (í fæst skiptin samt). En nú verður breyting á. Nenni því samt ekki núna. á morgun í vinnunni....

Afi Blússi

2006-02-17T12:03:00.000Z

Ég vinn í holu. Ég kem hingað inn á morgnanna 3svar í viku og kveð þá dagsbirtuna fram á kvöld eða síðdegi. Hvernig er hægt að ætlast til að maður sé alltaf í góðu skapi þegar svona er ástatt. Veit'iggi! En hvað um það. Helginn er á næsta leiti og er Herbertinn nær fullbókaður í vinnu og lærdóm en ætlar þó að gefa sér tíma í Júróvísjón geðveikina. Talandi um það. Af hverju er/var fólk að æsa sig yfir Silvíu Nóttar málinu. Skil'iggi! Það fólk ætti bara að fara beint heim í beddann og dúsa(nýtt unglingaslangur, þýðir að sofa eða leggja sig) í nokkra mánuði. Vakna svo bara um miðjan maí og láta lítið fyrir sér fara. Ég vorkenni bara mest hinu fólkinu sem er að fara að keppa þarna á morgun. Allir að taka þetta rosa alvarlega og reyna að gera sitt besta. En Hebbi hefur lúmskan grun um að fólk á aldrinum 10-30 ára eigi í miklum meirihluta eftir að kjósa Silvíu. Persónulega finnst mér brandarinn í kringum hana alveg að verða búinn en ég er annsi hrædd um að ef hún skyldi vinna að þá eigi eftir að verða Silvíu Nætur Sprengja á Íslandi líkt og þegar Birgitta fór í Júróvisíon. Hjúkket að ég verð ekki að vinna á leikjanámskeiði í sumar sökum þessa. Mundi ekki meika gríslingana syngjandi Silvíu og takandi upp taktana hennar:-/ En þetta er allt bara EF. Hver veit? Svo vinnur kannski bara súpersmellurinn 100% hamingja með Idológeðinu Heiðu eða hitt ógeðið úr Idolinu sem er með prikið í rassinum, man ekki hvað lagið heitir. Ókei, hætt að röfla. Ætla að kveikja á þunglyndislampanum hérna og reyna að hressast.Ætti kannski aðeins að dúsa í hausinn á mér og ná gleðinni. Ble.
Þetta er ég á Valentínusardaginn. Sjáiði hvað ég fékk mikið af blómum, bjó mér bara til hatt og trefil úr þeim!

Take That For Ever!

2006-02-13T14:01:00.000Z

Já í dag eru heil 10 ár frá því að ég fór í skólann og féll í faðmlög við vinkonur mínar Gunnu og Þurí. Nokkur tár létu sjá sig en svo hristum við það af okkur og fórum í stærðfræðitíma hjá Kristínu Davíðs. Hehe. Já, þá hættu Take That. Á afmælisdaginn hans Robbie. Frekar lélegt af þeim. Svo á blaðamannafundinum þóttust þeir ekkert vita að hann ætti afmæli þennan dag. Bullshit! En já minn maður er 32 ára í dag, híhí. Einu sinni var ég 15 ára og hann 21 árs hehe!!
Til hamingju með þennan merkis dag þið sem viljið. Ble.

Skunnkurinn Pulli

2006-02-10T16:07:00.000Z

Þá er afmælið mitt afstaðið. Vil ég þakka þeim frábæru vinum mínum og velunnurum sem létu sjá sig í Laugardalnum á laugardaginn. Þvílíkt stuð. Ég var með harðsperrur langt frameftir vikunni, eiginlega útum allt. Kúnstirnar létu svo sannarlega ekki á sér kræla í sundinu og á skautunum og var líka geggjað að fá kveðju í hátalarakerfinu á svellinu:-) Vikan er búin að líða á hefðbundinn hátt. Eitt skróp, einn fitubollufundur, ein fíluferð í Apple búðina og afmælispakki frá Liverpool (takk Gunna mín;-) Í kvöld er það svo vinna en á morgun er það hittingur með Húlíóa-genginu. Þeir eru metrómenn og fíla'ða og ég fíla'ða, töff! Við ætlum að bleita aðeins í okkur, þenja svo raddböndin og reyna á kunnáttu okkar í bössinum! Að lokum verður eflaust tekin nett sveifla á vel völdu dansgólfi í 101. Topp! Leiter. Góða helgi. Herbs.

2006-02-01T13:20:00.000Z

Hvað er þá á seiði/seyði. Ég vinn með manni sem neitar að skrifa y-i þannig að núna ætla ég að neyta að skryfa venjulegt-i. Hvað er annars að gerast úty ý hynum stóra heymi hjá ykkur snúðar? Það helsta hjá mynny er að ég er að myssa myg ý myndavytleysu hérna á þessary blessuðu sýðu. En þyð hafyð bara gaman af þvý ekky satt? Vá þetta er fáránlegt, þetta y-dæmi, hýhý. En já ég á afmæly á sunnudagynn og af þvý að ég er svo mega mykyð afmælysbarn þá er ég að upplýsa það hér að ég eygy afmæly bráðum þannyg að þyð gleymyð þvý ekki:-) En vegna þess að það er bjánalega erfytt að skryfa svona ætla ég að hætta núna.

Láttu þér lýða vel, þvý lýfyð tyl þess er, trúðu mér...(haha, nú eru allyr með lagyð gamla með Stjórnynny á heylanum)

Fleiri stemningsmyndir úr mínu frábæra lífi.

2006-02-01T13:07:00.000Z

Að faðma tré, jólatré.

Að saga tré, jólatré. Passaðu trefilinn.

Tvær töff! Önnur samt aðeins meira..

Hvað er að gerast hér...!

Lífið undanfarið..

2006-01-30T12:47:00.000Z

Múslimakonur í þunglyndislömpum í Vesturbæjarlaug.

Einhver kúkaði á hausinn á þér...

Það er svooo gaman í vinnunni hjá mér.

slepja

2006-01-26T12:37:00.000Z

Ég er eitthvað lasin í dag. Svaf lítið sem ekkert í nótt vegna þráláts kláða um allan líkaman... mmhmm.. hljómar ekki mjög girnilega. Ég drakk nefnilega vatnið úr krananum í Bústöðum í gær og ég held að það sé ástæðan. Það er þræl mengað og viðbjóðslegt þetta vatn. T.a.m. er vatnið í klósettunum þar alltaf gult, þó svo að það sé búið að sturta niður! Ástæða þess að ég drakk vatnið er sú að vatnið í tanknum var búið og nú er ég rauð undan klóruförum út um allt og svo ofan á það að þá missti ég allt í einu röddina í morgun af engri ástæðu! Hvar er Erin Brokovits núna þegar ég þarfnast hennar, eða Julia Roberts mér er sama hvor. Vill bara að einhver komist til botns í þessu ljóta máli.

Seinna

Voru kannski þessir kallar að eitra fyrir mér....

2006-01-19T13:37:00.000Z

Jæja þá er maður kominn aftur á skólabekk. Er tvisvar í viku í skólanum og báða dagana mæti ég 8:15, jæks! Á ég eftir að skrópa?....mmm örugglega nokkrum sinnum:-/ Var samt að lesa það í Fréttablaðinu bara rétt áðan að heilinn (manna) er að meðaltali ekki farin að starfa sem skildi fyrstu tvo tímana eftir að maður vaknar, sem þýðir að ég er líklega ekki að fá mikið út úr þessum tímum þar sem ég vakna ca. 20 mínútum áður en hann byrjar. En ég meina, að meðaltali hefur maður það gott ef maður er með einn fótinn í ísköldu vatni og einn fótinn í sjóðandi heitu vatni þannig að það er ekkert víst að það sé neitt að marka þetta meðaltal!
Þessum manni líður að meðaltali líkleg ekki mjög vel!!

Einn daginn þá...

2006-01-16T12:44:00.000Z

Jæja, ný vika, ný verkefni, endurnýjuð sál, rotið skrifstofu kaffi. En veðrið er að mínu skapi aldrei þessu vant. Já, ég er bara nokkuð sátt við þennan snjó. Allt á kafi í snjó og ekkert rok eða rigning eða slabb. O ó, var ég kannski að jinxa ástandið. Kemur núna hláka og ógeð? Ja, þá það!

Helgin, já helgin, hvernig var hún? Bara lala. Ekkert áfengi í búk. Fór ekki einu sinni úr náttfötunum á laugardaginn, hvað þá út úr húsi. Það hefði örugglega komið í fréttablaði Seltjó ef ég hefði birst á náttfötunum úti í Nesvali að versla. Guðminn góður. Fínu frúrnar hefðu sopið hveljur og hrökklast frá þessum flækingi sem vogaði sér út með óblásið hárið og án svo mikið sem meiktutlu í andlitinu. Já, stundum er ekki frá því að mér finnist ég ekki alveg passa inn í menninguna ef svo má kalla á nesinu. Aumur leigjandinn í kjallara ríkafólksins, sem er með leigjanda í villunni sinni til að græða meiri pening. Blóðsjúga veslinginn sem flosnaði uppúr skóla og er að vinna hjá borginn, phu, látum hann þjást!

Neinei þetta er yndislegt fólk sem á þetta blessaða hús (sem er eins og skip). Það heldur singstar partý eins og við hin og stritar eflaust til að halda haus í neyslugeðveiki samtímans.
Ég er samt með samviskubit yfir því að hafa ekki hjálpað konu í strætó í morgun. Hún var eitthvað að burðast með kerru inní vagninn og enginn hjálpaði henni. Ég var alveg að fara að standa upp þegar henni loksins tókst þetta, þá orðin móð og másandi. Svo fór hún að borga og þegar hún labbaði til baka sá ég að hún var ólétt! Djö! og ógeðslega illa klædd. Ég leit út eins og ríkur yfirstéttadurgur við hliðina á henni. Já ég skammast mín ofan í tær. Aldrei aftur. Nú stend ég upp án þess að hika og kannski gauga ég að þeirri næstu græna kortinu mínu svo hún þurfi ekki að borga. Haha.

En svona er víst þetta blessaða samfélag. Hvernig var aftur myndin í sögubókinni? Ætla á gúgúl að tékka á henni. Seinna.

p.s fann hana

Gaman mál

2006-01-11T20:04:00.000Z

Var í strætó áðan og heyrði einhverja unglinga vera að tala um gamla leiðkerfi strætó. Þau sögðu eitthvað á þessa leið; "sko, það hefur örugglega verið leiðin sem 11 fór í gamla daga" What!! Í GAMLA DAGA! Var það ekki í sumar sem þessu var breytt... díses þessir unglingar eru svo hellaðir í grímunni stundum!

Rotin gríma?

2006-01-06T10:31:00.000Z

Ég er svo fegin hvað þessi vika er búin að vera fljót að líða. Samt eru allir sem komu heim frá útlöndum um jólin að fara aftur:-( Þar með talin litla yndislega systir mín.
En það þýðir ekki að gráta það. Frekar að klæða sig úr öllum fötunum og hlaupa niður á strönd (sem er fyrir utan heima hjá mér núna) og taka rokkhlaupið á lífið. Kannski að klæða sig samt úr fötunum þegar maður er komin niður á strönd en ekki fyrir utan heima, god forbid að nágrannarnir sjái mitt alls nakta hörund, það var nóg að allir sem bjuggu í kringum mig á Bragagötunni hafi séð mig vegna ólukkulegra gluggatjaldaútbúnaðar. Topp! Góða helgi kæru vinir nær og fjær . Ps þessi mynd er af henni Nölu, kisunni minni, en hún deyr í dag. Bless, bless kæri vin:,(

Töff!

2005-12-27T12:22:00.000Z

Gleðileg jól og farsælt komandi ár kæru vinir og vandamenn. Þá er pakkageðveikinni lokið þetta árið og búið að rífa flest alla pakka upp sem voru valdir og keyptir fyrir helgi. Pælið í því! Maður er heilan mánuð að velta því fyrir sér hvað maður eigi að gefa hinum og þessum fjölsyldumeðlimum og vinum, nostrar við það að pakka inn og gera fínt, skrifa á merkimiða og krulla bönd. Svo er þetta bara allt tætt upp á einu kvöldi og bara búið! Pappírnum, krullinu og merkimiðunum bara hent og "jeij, ég á fullt af nýju dóti"!
En hvað sem þessu líður, þá átti ég virkilega góð jól í faðmi minnar frábæru familíu. Aðfangadagur var ýkt fínn og jóladagur og annar komu sterkir inn í kjölfarið. Núna er það bara vinnan:-( Er hér alein í Bústöðum að reyna að hafa eitthvað fyrir stafni með því að skrifa blogg og gera símahrekki. Er að hugsa um að sækja um vinnu á FM957, ég er svo rosaleg í hrekkjunum! Læt mynd af mér og kórnum mínum fylgja með af því að það eru jól.

Seinna, my kittens.

Sokkatal

2005-12-05T15:19:00.000Z

Það er svo fyndið hvað það að vera á sokkunum gerir mann varnarlausan. Ímyndið ykkur ef maður væri beðinn um að fara úr skónum þegar maður kæmi inn á skemmtistað. Ekki bara það að lúkkið myndi gjörsamlega fara fyrir bí, heldur myndi mjög líklega blossa upp táfýla af einhverjum og góðar líkur væru á því að enhverjir væru í "vara" sokkum, því þeir bjuggust ekki við því að þurfa að fjarlægja skófatnaðinn. Ég held samt að allir hafi gott af því að vera á sokkunum í kringum annað fólk. Til dæmis mátti hvorki vera á skóm inni í Laugarlæk né á Laugarvatni. Þá var maður strax búinn að opna einhverjar dyr að sálinni með því að eiga samskipti við skólafélaga og kennara berksjaldaður sem maður er á sokkaleistunum. Er ég að missa vitið eða eru þið sammála mér? Er maður jafn töff spásserandi um á sokkunum eða í útpældu heildarlúkki með skóna sem aðal trompið? Aha, er hundurinn kannski grafinn akkúrat þarna!? Það er kannski auðveldara að fara úr skónum fyrir framan aðra þegar heildarúkkið er einmitt ekki útpælt. Þá vill oft svo vera að maður er ekki að fela sig bak við eitthvað lúkk heldur bara tilbúinn að gefa upp þann bita af sálinni þar sem sokkarnir eiga heima... Mér persónulega finnst skemmtilegast núna að vera í ullarsokkum. Bæði er það hlýtt og gott því ég er alltaf í strigaskóm sem getur verið kalt um vetur og svo er svo gaman að spóla og renna sér á ullar sokkum. Var líka að dansa á ullarsokkum á laugardagskvöldið og það er geiðvekt stuð.

Jolin, jolin alls staðar..

2005-12-02T14:39:00.000Z

Fór á jólatónleika hjá kórnum hennar mömmu í gær. Þeir voru alveg hreint ágætir, ég get alltaf skemmt mér á þessu tónleikum en það er ekki endilega efnisskráin sem heillar mig mest. Þessi kór saman stendur af um 140 hressum kellum sem njóta þess í botn að vera í félagsskap hverrar annarrar. Þær eru á öllum aldri og í öllum stærðum og gerðum. Þegar þær eru að syngja hress lög þá dilla þær sér allar, en ekki í takkt. Þá iðar allur hópurinn, 140 kellur, iðandi hver með sínu nefi og andlitsgretturnar eftir því. Svo ef maður setur móðu á augun, þið vitið tekur úr fókus á augunum þá sér maður bara munnana opnast og þá er hópurinn eins og karakterar úr South Park, það er alveg hilleríus. Eitt sem toppar þetta allt er samt þegar maður fylgist með þeim einni í einu og þá kemur alltaf í ljós að einhver kann ekki textan híhí, samt brosa þær og reyna að hitta á rétta hljóðið þannig að varirnar passa við það sem hópurinn syngur, brill. Ég er kannski rotin týpa fyrir að vera að spá í þessu á tónleikum en ég heyri samt alveg tónlistina þó ég sé að spá í öllu þessu!

Það er blessuð blíðan..

2005-11-30T19:07:00.000Z

Sælir vinir nær og fjær, hvað er þá á seyði? Jæja það er enn allt að gerast í mínum íbúðar og vesenismálum og það nýjasta er að ég fæ afhenda nýja íbúð á morgun 1.des. Jájá þá verður Bragi yfirgefinn fyrir fullt og allt nú um helgina. Auglýsi hér með eftir hressu fólki sem er til í eitthvað skemmtilegt..ee..flutninga! Nei nei, en án djóks að þá eru allir velkomnir í flutningshjálp sem vilja, síminn er opinn. Nýja pleisið er alla leið úti á Seltjarnarnesi og leggst það bara vel í Herbertinn að fara smá í burtu frá bænum, þá er minni "hætta" á að maður sé að draga fólk og fé í eftirpartý og þannig sukk, en aðrar heimsóknir eru velkomnar að sjálfsögðu:-) Minns er farinn að hlakka ógurlega til að fara að koma mér fyrir, jólaskreyta og baka jólakökur og þannig sjitt.
En læt þetta duga í bili. Á enn eftir að tjá mig um sokka og unglingakúlið eins og ég lofaði áður en hörmungarnar dundu yfir. Bæ í bili.
E.s. já Siggi við fjögur fræknu verðum að fara að taka góðan sprett áður en langt um líður, ég er til hvenær sem er;-)

Leikþattur partur II

2005-11-18T17:03:00.000Z

VV: Jæja hvernig gengur að búa hjá mammsí?
H: Það gengur bara ágætlega, maður er í fríu húsnæði og svona. Stöð 2 og Bíórásin, frír matur og maður þarf ekki að gera neitt..
VV: Össs, bara lúxus á kellingunni..
H: Jájá, það er veldi á manni þó maður sé hættur í skólanum. Maður bara finnur sér eitthvað annað að gera sjáðu til. Er til dæmis komin með meiri vinnu hjá Ítr og svo náttúrulega blaðaútburðurinn
VV: Já hvernig gengur það? Hvenær þarftu eiginlega að vakna?
H: Klukkan hringir 05:20 og ég er komin framúr ca. þremur mínútum seinna. Svo er ég komin aftur heim um kl.07. Þá er fólkið að skríða frammúr á heimilinu og ég æðislega fersk, ég fíla það í botn:-)
VV: Vá maður þú ert rugluð. En hvað ertu svo að fara að gera annað á daginn áður en þú ferð að vinna?
H: Nú bara taka því rólega. Fer í sund hérna í uppáhldslaugina mína, þá bestu í bænum (Laugardals auðvitað). Svo til dæmis bakaði ég brauð í dag.. Svo bara hitt og þetta.
VV: En hvað ætlaru að gera í íbúðarmálum? Ekki getur verið þarna í sælunni endalaust?
H: Nei, það eru nefnilega góðar fréttir í þeim málum. Ég fer að öllum líkindum aftur á Bragagötuna, og örugglega (vonandi) fyrir jól. Það á bara að laga sturtu/bað aðstöðuna í kvelli svo við getum haldið áfram að leigja þarna.
VV: Vá en frábært að heyra..
H: Já ég var mjög ánægð að heyra það. Mér þykir svo skrambi vænt um hann Braga minn. (Nenni líka ekki að flytja)

Jæja þá vitiði það, Hermína er í góum málum þessa dagana. Við skulum bara vona að hún endi ekki í ruglinu eins og svo margir sem flosna upp úr skóla! En fylgist spennt með þegar þið sjáið hana arka um götur bæjarins aðgerðar- og stefnulausa, klórandi sér í hausnum og borandi í nefið, verið viss um að hausinn sé rétt skrúfaður á áður en þið hefjið samræður við þessa kolrugluðu hæna!

Leikþáttur

2005-11-15T13:47:00.000Z

Hermína: Sæl öllsömul. Afsakið hvað ég er búin að láta líða langan tíma milli blogga.
Vinir og vandamenn: Hæ, loksins. Hvað er eiginlega að frétta, hvar ertu búin að vera?
H: Viljiði góðu fréttirnar, slæmu fréttirnar eða vondu fréttinar fyrst?
VV: Ha!? Hvað meinarðu? Er svona mikið búið að vera í gangi? Hmmm... komndu með góðu fréttirnar fyrst.
H: Ókei. Hmmm... hverjar voru þær aftur! Man það ekki. Byrja bara á verstu og svo batnar það ...vonandi
VV: Ókei.
H: Sko. Baðherbergið okkar á Bragagötunni hrundi og í ljós kom að það var myglað og er ónýtt. Þannig að núna höfum við ekkert bað og enga sturtu og getum því ekki þrifið okkur. Þar sem það þykir víst ókostur við íbúðarhúsnæði höfum við ekki annarra kosta völ en að flytja en það er nú hægara sagt en gert eins og flestir vita.
VV: Í alvöru! En svakalegt að heyra...
H: Jájá. Nú, þar sem við eigum báðar góða að er ekkert annað í stöðunni en að flytja í foreldrahús..tímabundið..afar tímabundið. Þetta þýðir að ég þarf að fara að pakka niður öllu draslinu mínu sem er ekkert lítið. Ég er nú búin að búa á Braga í tvö og hálft ár og er því búin að dreifa ansi vel úr mér. En til mömmu skal haldið og mun það gerast í dag.
VV: ó nó. Hvernig verður það? En hvar muntu sofa?
H: Nú það er svoddan lán í óláni að systir mín skuli vera erlendis, þannig að ég get plantað mér í herbergið hennar..tímabundið..
VV: En hverjar voru hinar fréttirnar?
H: Þær eru að ég er hætt í skólanum. Já já bara hætt. Ekki búin að gefast upp, heldur er ég einungis að bjarga geðheilsu minni, sem hefur átt sínar hæðir og lægðir í gegnum tíðina. Ég er bara í einhverri klemmu með skólamálin mín og ákvað því að taka mér pásu um óákveðin tíma
VV: já en..
H: slakiði á! Ég er ekki hætt í mínu akademíska námi, er bara að taka mér smá pásu. Stefni að því að taka að mér meiri vinnu eftir áramót og hugsa um e-ð annað en skóla og nám í smá tíma. Er meira að segja búin að fá mér aðra vinnu til þess að hafa einhverjum skildum að gegna sem er auðvitað nauðsynlegt fyrir fullorðna manneskju. Er sem sagt farin að bera út Fréttablaðið og er hér með orðin A-manneskja.
VV: Ha, en þú hefur alltaf verið B-manneskja..
H: Jájá en nú er breytinga að vænta í lífi mínu. Sumar voru óumbeðnar en aðrar eru mjög svo meðvitaðar! Þá er bara að finna sér aðra íbúð og auglýsi ég hér með eftir einhverju bitastæðu..

framhald síðar

2005-11-02T12:44:00.000Z

Það er svo gaman þegar maður lendir í hláturskasti (lendir í?), ég meina fær hláturskast og svo þegar maður er að deyja úr hlátri, nær ekki andanum, fer hugurinn út fyrir mann og maður fer að sjá fyrir sér hvernig annað hvort fyndna atvikið leit út eða hvernig maður lítur út að deyja úr hlátri kannski þar sem maður á ekkert að vera að hlæja svona mikið. Ég skal gefa ykkur þrjú dæmi.
1. Var einu sinni heima hjá foreldrum einnar ML vinkonu og við vorum í þynnku, búnar að borða mikið nammi og snakka, hakka eins og okkur er einum lagið! Svo fékk mín hláturskast (man ekkert af hverju) og var að míga í mig af hlátri, hljóp á klósettið og frussaði úr friðrikunni! Svo prumpaði ég svona líka rosalega og í klósettið þannig að það bergmálaði um hebergið. Þetta væri náttúrulega ekki frásögu færandi nema fyrir þær sakir að pabbi hennar var í næsta herbergi og hann heyrði þetta pottþétt og ég náttúrulega dó úr hlátri og gat ekki hamið mig, svo fór ég út fyrir mig og fór að sjá mig fyrir mér sitjandi á klósettinu (eins og þið eruð örugglega að gera núna..mmm..næs) í hláturskasti yfir prumpi í klósett!
2. Var að keyra með mömmu um daginn. Hún var að keyra pólóinn sem hún bara með einhverju móti getur ekki! Vorum bara í tjillinu á rauðu ljósi í brekku. Svo kemur grænt og mamma tætir af stað og þá hafði sætið hennar greinilega ekki verið alveg fast þannig að það hrekkur til og við báðar missum okkur á vit hlátursins og hún að keyra, auðvitað á 5 km hraða því við hlógum svo mikið og þá fór ég út fyrir mig og ....
3. Var aftur að keyra með tveimur vinkonum um daginn og við vorum á leiðinni á karlakóramót í Hafnarfirðinum. Það var ýkt mikill nýfallinn snjór og hálka og við alveg massamikið klæddar (á leiðinni á karlakóramót nota bene) á sumardekkjum. Svo rann bíllinn til í hálku á hringtorgi og við riktumst allar til, kappklæddar, í Hafnafirðinum, á leið á karlakóramót og þá gat ég bara ekki annað en farið út fyrir mig og þá.....
Jamm, fattiði ekki alveg hvað ég meina!!?
Þriðja dæmið endaði samt þannig að við tímdum ekki að borga okkur 2000 krónur inn (sem við sáum reyndar seinna eftir) þannig að við fórum í Nóatún og keyptum okkur nautakjöt, döðruðum aðeins við gæjana í kjötborðinu (sem fóru bæ ðe vei í blað/skæri/steinn um hver ætti að afgreiða okkur) fórum svo heim og hökkuðum (í okkur nautið mmm) Ég að tékka:
Seinna..

Kappa Kappa Gamma

2005-10-28T15:50:00.000Z

Vá hvað ég er fegin að Airwaves var ekki þessa helgi! Er ekki verið að jödda í mér með þetta veður!!
En allaveganna hellað að gera í lífinu þessa dagana þ.e. skóli og vinna. Er að skrifa ritgerð núna um vígsluathafnir Topp! og fann alveg hillarius bók á bókasafni um sororities í UCLA. Einhver gella sem skrifar hana, fer under cover í skólann. Hún sjálf er 26 ára en er að þykjast vera junior í skólanum transferd from Columbia NY. Stórskemmtileg lesning um geðveikina sem þessu fylgir að reyna að komast í svona systrafélag. Hugsa ósjálfrátt til busavikunnar á Laugarvatni þar sem maður var látinn ganga í gegnum ýmislegt til að vera tekinn í sátt af eldri nemendum skólans. Man þegar ég stóð uppi á borði inní fyrirlestrar sal, örugglega eins og tómatur í framan, þar sem fólk kepptist við að bjóða í mann! Pælið í því, busauppboð. Ég var nú þó heppin því ég kom í skólan á öðru ári og kannaðist því við 2. árs bekkingana. Man líka þegar ég og Alda vinkona vorum að blása á góllfið inni hjá Jöra til að það myndi þorna fyrr eftir að hafa skúrað það. Það myndaðist hópur í kringum okkur, okkur til hvatningar í blæstrinum, Rugl! En við komumst í gegnum þetta ósködduð að mestu og árin sem fylgdu voru hreint ekki slæm..good times:-)
En jæja ætla að halda áfram lesningunni, ble.

Klukkrugl

2005-10-26T15:37:00.000Z

Ég hef verið klukkuð af góðvinkonu minni Guðrúnu Ástu og hér skal því vera fylgt eftir:

1. Ég er sjónvarpssjúk. Tel þessa sýki mína vera á háu stigi og hún er farin að vera til trafala. Kann að mestu sjónvarpsdagskrána alla virka daga utan að, á öllum stöðvum sem ég hef aðgang að þ.e. RÚV, Sjár1 og Sirkus. Það sem meira er, er að það er þáttur sem ég má alls ekki missa af á öllum þessum stöðvum öll kvöld vikunnar(virka daga og sunnudaga). Þannig að ef ykkur vantar að vita hvað er í sjónvarpinu eitthvert kvöldið en eruð ekki með aðgang að dagsrártóli bara give me a call!

2. Ég elska að læra ný orð. Vinn með unglingum og á unglings bróðir þannig að ég er sífellt að læra ný "íslensk" orð. Nokkur dæmi: "Var gaman í gær? Já það var topp", "Úff mér líður alveg hellað", "Auður sem ég leigi með er alveg helluð í grímunni", " OMG, Jói er svo hot í mig", "Djöfull ertu rotinn í grímunni maður!", "Bíddu ertu að jödd'í mér?". Það er sem ég segi, ég verð alveg þvílíkt spennt í grímunni þegar ég læri ný helluð orð, OMG! Topp.

3. Ég er að komast betur og betur að því hvað ég var undarlegt barn. Þegar ég var yngri varð ég að lesa upphátt þegar ég las fyrir próf. Mamma kom stundum inn til mín og var alveg "Hera mín ertu til í að lækka aðeins í þér við erum að reyna að horfa á sjónvarpið". Við erum að tala um mig ca 10, 11,12 ára, alveg steikta í grímunni. Svo var ég með sérstaka tækni til að muna. Það var þannig að ég setti fingurna saman í hrúgu og sagði það sem ég þurfti að muna í fingurgómana og tróð því svo inn í hausinn, tvisvar báðumeginn. Topp!

4. Ég haf aldrei smakkað rjúpu né prófað snjóbretti.

5. Ég á ennþá föt inní skáp frá því ég var í 10.bekk. Er að geyma þau þar til þau koma aftur í tísku! Veit samt ekki afhverju því ég mun aldrei passa aftur í þau og guð minn góður þau er svo ljót, það er ekkert jödd.

jæja þá er þessu rugli lokið, yfir.

Brrrr

2005-10-26T12:28:00.000Z

Það er svo kalt að ég er frosin.

Öppdeit

2005-10-25T19:50:00.000Z

Helgin var svona:

Það helsta sem stóð upp úr þessa helgi var: 372 bjórar sem brenndu gat á budduna mína, einn sveittur hambó, einn sleikur (jumm), nokkrar skemmtilegar hljómsveitir, 50 ára afmæli Júróvision:Waterloo valið besta Júróv. lag allra tíma, Spaugstofan hehe, sms maraþon við suma sem áttu ekki skilið sms (ekki samt Siggalingur né Birnulingur), maður sem var búinn að pissa á sig(oj..) p.s. myndin er af Gunnlaugi Arnari Sigurðarsyni í öfugri peysu með bling.

Kvenna"frí"dagurinn var svona:

Áfram stelpur!

p.s. myndin er tekin í Austurstræti

Jónas Jónson & co.

2005-10-19T18:25:00.000Z

Jæja. Helgi búinn með allri sinni vitleysu og vitstoli. Átti góðan laugardag í faðmi vina og samstarfsfélaga mis vitlausa og vitstola en allir jafn góðhjartaðir (á yfirborðinu að minnsta kosti).
Átti í samræðum um daginn við vinnufélaga mína og var umræðuefnið líkamslögun. Hef eitt ófáum mínútum í að skeggræða það við mína ágætu vinnufélaga, þó sértaklega tvo þeirra. Málið var hvort okkur finndist það lögulegra fyrir kvenmann að vera með mjótt mitti og breiðar mjaðmir eða mjóar lappir og smá fitu á maganum. Nú, ræddum við þetta nokkuð en komumst svo sem ekki að neinni niðurstöðu, það reyndar er kannski ekki tilgangurinn í svona umræðu, meira svona hverjum finnst hvað og af hverju. Þannig komst ég að því að einum félaganum finnst vaxtalagið mjóar lappir, pínu fita á maga vera betra (fallegra!?) vegna þess að það er auðveldara að vinna með breiðan maga en breið læri! Vinna með! Hann myndi sem sagt byrja á því að reyna að breyta manneskjunni. Arg.. ég þoli ekki svona. Má maður ekki bara vera með klípíklíp hér og þar án þess að fólk vilji breyta manni eða haldi að maður væri betur komin án smá aukafitu?
ein óggisslega ýkt pirruð ekkað

Helgarpælingar

2005-10-14T18:58:00.000Z

mmmmm...það er að koma helgi. Ég finn lyktina...mmmm..já. Ég elska lífið um helgar og ég held að karmað mitt (hvað sem það nú er) sé að lagast. Kannski er það bara berta um helgar. Kannski af því að mér finnst lífið skemmtilegra um helgar. Kannski hefði ég frekar átt að heita Helga. ætli lífið væri alltaf skemmtilegt ef ég héti Helga? Nei þá væri það líklega alveg ömurlegt á virkum dögum. Ég ætti kannski að fá mér kött og skíra hann Helga. Kannski ég ætti að skíra hann Helgi Virkurdagur. Ætli ég væri þá búin að tryggja mér skemmtilegheit alltaf? En á helgidögum sem eru ekki um helgar eins og annar í stöffi og uppstigningadagur og þannig, væru þeir þá ömurlegir? Kannski ég skíri köttinn bara Helgi Virkudagur Ársson. Væri ég þá gulltryggð með skemmtilegheit allan ársinshring fyrir lísftíð? Hvað ef kötturinn mundi deyja? Gæti ég bara fengið mér annan eins og ekkert væri? Kannski ég ætti bara að hætti þessu bulli og haldi áfram að vinna eins og ekkert hafi í skorist. ókei. Mynd: ég og kötturinn Helgi Vikudagur Árss.

Góða helgi allir

Arrrg!

2005-10-13T17:23:00.000Z

Krappið heldur áfram. Var í leikfimi og taskan mín slitnaði... og ég er á hjóli. Ég er reið og pirruð....

Krapp dagsins

2005-10-13T15:38:00.000Z

Þetta er mynd af mér að bíða eftir strætó í gær.
Karmað mitt er ekki gott í dag. Veit ekki af hverju. Hvernig er hægt að verðskulda vont karma? Ég er ekki vond manneskja né ill og ég er ekki búin að vera að gera neitt dapurlegt eins og að sofa á daginn og standa mig ekki í skólanum og borða óhollan mat, nei bíddu nú við...
Hvað sem því líður að þá er allt búið að vera á afturfótunum í dag. Samt á hinn undarlegasta máta. Bara einhvern veginn þannig að ég get ekki útskýrt það. Er þetta ekki skemmtileg lesning? Gúggenheimer...!
Hef ekkert skrifað síðan fyrir helgi þegar púkinn var að hreiðra um sig og hann gerði það svo sannarlega. Fór á Októberfest með Sverri, datt íða á bar eftir leikhúsið á fös, ýkt skemmtilegt en afar undarlegt kvöld,nótt og morgun! Svaf svo framm á eftirmiðdag og fór í matarboð á lau. með prinsum allra tíma, úff var farin að sakna húlíóanna minna mikið. Svaf svo til kl.17 og fór þá í mat til mömmu og saknaði Láru sys gífurlega. Sem minnir mig á aðalfréttina. Móðir mín kær er orðin kvikmyndastjarna!!! Hún "leikur" eitt af aðalhlutverkunum í heimildarmyndinni Kórinn eftir Silju Hauks. Frábærlega einlæg mynd um miðaldra kórkellingar. Mæli með henni, meira að segja Númi bróðir hló ýkt mikið. Okkur var að sjálfsögðu boðið á frumsýninguna og svo í netta móttöku í Ráðhúsinu þar sem herfan borgarstjórinn hélt partý.

Skinniðandi sokkur

2005-10-06T17:48:00.000Z

Til að svara henni Hjöddu minni sem spurði um stöðu sjálfsagamála síðustu helgi þá get ég sagt að ég stóð mig nokkuð vel. Var bara heima í góðu tjilli að spjalla við sjálfa mig um heima og geima. Veit hins vegar ekki með þessa helgi. Þó svo að ég búist við nokkrum dropum af áfengi í búksa að þá held ég að villta hliðin verði tamin, eða tamdari en í september! Er reyndar núna á bókhlöðunni og var að koma úr klukkutíma langri kaffipásu með Birnu og Sverri og fannst mér ég sjá glitta í púkan í honum Svedda mínum. Held að það sé sirkustjaldið sem laðar að, kannski er það bara nafnið, hann iðar allaveganna allur í skinninu yfir einhverju! Þið vitið hvernig hann er, þið sem vitið..
Jæja, æstar bækurnar bíða...

Eru baunapungar betri en frostpinnar?

2005-10-05T14:46:00.000Z

Jæja þá er litla systir mín flogin úr hreiðrinu og kemur ekki aftur fyrr en eftir 10 vikur, úff en það verður fljótt að líða. Þá verð ég líka komin í jólafrí, vúhú. Danaveldi hefur nú fengið hana Láru mín í hendurnar og þegar amma var að kveðja hana í gær sagði hún "..og þú ferð nú ekki að koma með neina baunapunga til Íslands!" Þá meinar hún auðvitað stráka. En hvað er málið með þetta bauna viðurnefni ég hef aldrei náð því, hehe, baunapungur það er fyndið, hehe.
Var að labba í skólann í gær kvöldi og hitti þar fyrir einn ýkt sætan kött. Ég fór eitthvað að klappa honum og tala við hann, var svo eitthvað að reyna að taka mynd af honum(með næturstillta símanum mínum) en hann vildi ekki vera kjur. Þetta var í Hljómskálagarðinum og ég hélt að ég væri ein á ferli, en nei allt í einu labbaði einhver strákur framhjá mér, akkúrat þegar ég var að segja við köttinn "vertu kjur", veit ekki hvort það kom vel út. En ég hætti að reyna að taka mynd af honum og dreif mig á námskeiðið upp í skóla. Nú, þegar það var hálfnað kemur köttur inn um gluggan og viti menn, var það ekki sama krílið og ég hafði verið að klappa, já klappa! Nema hvað, allir verða ýkt eitthvað "oh, sjáiði köttin", "oh, dúllan" , nema ég segi upphátt "hei, þetta er kötturinn sem ég var að tala við í Hljómskálagarðinum áðan". Allir hættu að horfa á köttinn og horfðu á mig í staðinn. Hvað gerist? Auðvita roðnaði ég ýkt mikið eins og vanalega og hugsaði bara inn í mér, "ég meina kötturinn sem ég var að klappa, klappa ekki tala við,hehe.." En ég sagði ekkert og námskeiðið hélt bara áfram.
Eru piparjónku einkennin að færast yfir mig eða?

Æskuminningar

2005-10-03T19:45:00.000Z

Þegar ég var að labba í skólan í morgun blasti við mér risastórt sirkustjald fyrir framan Háskólan. Varð ég öll þvílíkt spennt í skinninu og hugsaði til þess yndilega tíma þegar sirkusinn kom ár eftir ár í Laugardalinn. Ohh, það var svo skemmtilegt. Man að ég fór einu sinni með æskuvinkonu minni og mamma gaf mér fimmhundruðkall til að ég gæti keypt mér eitthvað auka t.d. kandíflos eða eitthvað svoleiðis sirkuslegt. En nei, ég var nátturulega enginn venjulegur krakki og þegar sirkus var annars vegar gilti ekkert annað. Ég þurfi náttúrulega að eignast risastórt pappírslíkan af sirkusnum og öllu honum tilheyandi. Þetta var heljarinnar flykki, úr pappír, sem þurfti að setja saman og alles. Ég fór með þetta heim og ég er nokkuð viss umað mamma hafi horft á mig og bara hrist hausinn. Nú til að gera langa sögu stutta að þá setti ég líkanið aldrei saman, veit eiginlega ekkert hvað varð um það og það sem meira er, þetta sirkutjald sem ég sá í morgun inniheldur engann sirkus, heldur er það fyrir bjórsvolgrandi stúdenta sem hyggjast líkja eftir einhverri sveittri þýskri stemmningu þar um helgina...phu, það er sko ekki fyrir mig..

Lára Klára og Heimurinn Geimurinn

2005-09-30T12:58:00.000Z

Þetta er hún fallega systir mín og hún er að fara að halda út í heim á vit ævintýranna í næstu viku, ég á eftir að sakna hennar heilan helling, snárf,snárf...

Good times...

2005-09-29T15:16:00.000Z

Var að skoða bloggsíðu Gunnu vinkonu áðan og sprakk úr hlátri yfir mynd sem hún setti þar inn af sér frá því í 10. bekk tékkið á því http://blog.central.is/liverpoolfarar Ég tók þessa mynd og þið getið ekki ímyndað ykkur hvernig ég leit út akkúrat þennan sama dag, ó mæ god!
En ég hef verið að hugsa til baka þessa dagana. Fór nefnilega í partý um daginn þar sem gamlir skólafélagar úr Laugarlæk og Laugarnes vour saman komnir auka annarra og voru gamlar Skólafélagar mínir bækur uppi á borðum. Þarna voru ég og bekkjarfélagar mínir úr 3. til 7. bekk í einhvers konar persónuleika prófum um það hver væri þyngst(ur), hver hafði hæstu markmiðin í lífinu í flokknum " ég ætla að verða", hvað færi mest í taugarnar á manni og hvernig tónlist maður hlustaði á. Man ég hvað maður lagði mikinn metnað í að koma vel út í þessum bókum (alla veganna ég) og vera ávallt hnittin og sprellandi í svörum sínum. Það fór ýkt mikið í taugarnar á mér fólk sem sagði "veit ekki" trekk í trekk, og gerir reyndar enn í dag en það er önnur saga. Í þessu partýi sem ég minntist á grétum við hreinlega úr hlátri yfir mjög svo fyndnum svörum okkar og hefði mig ekki getað grunað það hversu mikla lukku þessar bækur ættu eftir að vekja ca 15 árum seinna. Í 3. bekk hafði ég til dæmis skrifað að uppáhalds námsgreinin mín væri stafsetning nema hvað að ég gerði stafsetningarvillu í orðinu stafsetning, skrifaði "stafsening"! Svo hafði ég sagt í flokknum "mér leiðist mest" að það væri að tala við Gísla sem er líka fyndið fyrir þær sakir að Gísl er einn af þeim sem mér finnst hvað skemmtilegastir úr grunnskólavinahópnum. Uppáhalds lagið mitt úr 5. bekk var svo "menn inda minró" sem átti víst að vera Man in the mirror með Michael Jackson. Svona gæti ég haldið lengi haldið áfram en ég hvet ykkur öll til þess að grafa þessar gersemar upp ef þið eruð að fara að bjóða gömlum skólafélögum í heimsókn, ég garantera mikið stuð, þ.e.a.s. ef vinir ykkar hafi verið duglegir við að segja það sem þeim finnst ár eftir ár og sagt gullmola líkt og ég og ein vinkona úr 7. bekk um uppáhalds hljómsveitina " allaveganna ekki White Snake"

Bömmer eða sjálfsendurskoðun?

2005-09-27T10:34:00.000Z

Hér með er mikilvæg ákvörðun tekin í lífi mínu! Ég er hætta að misbjóða búki mínum með því að hella niðursoðnum vökva í grímuna helgi eftir helgi þannig að ég engist um í volæði og vanlíðan daginn eftir! Þið eruð vitni um þetta kæru vinir. Án djóks þá er þetta ekki lífsmátinn sem ég hafði í huga þegar ég var lítil og horfði með stjörnur í augunum til glæstrar framtíðar með blóm í haga. Eins og hefur komið fram hér á þessari síðu að þá er ég að eldast og ég vil ekki vera gömul, hrukkótt og lifuð fyrir aldur fram vegna þess lífstíls sem ég hef verið að lifa undanfarið. Ekki það að ég sjái eftir síðustu árum á barnum og í hinum og þessum partýum, það er bara kominn tími til að hægja á ferðinni, staldra við og njóta augnablikanna án þess að þjóta framhjá á blússandi hraða 21. aldarinnar. Og hananú!
Ok, tékkum hvað ég hef um þetta að segja á föstudaginn þegar helgar púkinn fer á stjá. Verður sjálfsaginn til staðar? Mun ég hugsa um heilasellurnar sem hugsanlega verða drepnar í massavís? Er mér sama um fjöldamorð frumna sem gætu gert mig að forseta íslenska lýðveldisins einn góðan veðurdag eða Mannfræðingi Ísland árið 2020 ef þær fengju að lifa? Þetta eru allt spurningar sem vert er að velta fyrir sér áður en búkur er fylltur og sjálfstjórnin er fyrir bí. Hugsið um þetta kæru vinir...

Leitin að raunveruleikanum

2005-09-23T13:13:00.000Z

Ég er svo hrikalega stolt af mér í dag. Ég veit ekki hvort þið trúið þessu upp á mig en ég vaknaði klukkan 7 og var mætt í ræktina með Birnu klukkan 7:30! Vá ég trúi þessu varla sjálf... Vaknaði sem sagt við mína eigin vekjaraklukku, sem er reyndar eins og hún sé að deyja þegar hún hringir (keypti hana líka second-hand í París í vor) og símann hjá gaurnum á neðrihæðinni sem ég kýs að kalla Þorparann vegna þess að hann hlustar á lagið Þorparinn með Pálma Gunnars endalaust og n.b. ég heyri nákvæm orðaskil í þeim skötuhjúum. Ég veit örugglega meira um þau en bestu vinir þeirra, en ég fer nú ekki nánar út í það hér. Eftir að hafa barið sjálfa mig fram úr rúminu og hugsað til Birnu sem kom í strætó frá þeim guðs volaða stað Grafarvogi, stökk ég upp á hjólið mitt og lét mig renna á Háskólasvæðið. Þurfti reyndar svolítið að reyna á mig í Hljómskálagarðinum vegna strekkings að norðan og fékk þar að auki smá gusu úr tjörninn á mig, ekki mjör bragðgott. En ég meikaði það í íþróttahúsið og við púluðum í góðan hálftíma eða svo og síðan héldum við fílelfdar á Bókhlöðuna og réðumst á bækurnar og tilbúnar að sigra heiminn. Held að ég fari að gera þetta að vana nú þegar maður er kominn með félaga í gymmið. Sjáum til hvernig það gengur. Myndin er af mér í morgun að púla..
En að öðru. Hver sá Leitina að ísl. bachelornum í gær? Rétt upp hönd. Æ, þetta er nú eitthvað mis. Þegar maður miðar þetta við bandarísku þættina að þá vantar allan glamúr og allt glans á þetta sem gerir þættina svo (ó)raunverulega. Þetta var einhven veginn of raunverulegt sem er samt hálf asnalegt að segja um raunveruleikaþátt. En ég meina ég er ekkert að horfa á sjónvarpið til þessa að upplifa einhven raunveruleika, ég lifi bara í mínum raunveruleika. Ég vil bara ýktar tilfinningar og framkomu sem ég get gagnrýnt og hlegið að, ekki bara eitthvað fólk sem er að segja bara venjulega hluti. Bind núna miklar vonir við Ástarfleygið á Sirkus, vona að þar verði einhverjir froðuhausar, súpandi geislavirka drykki sem fá þau til að roðfletta mann og annan! En sjáum hvað setur.
Hætt blaðri í bili.

Fimmtudagur

2005-09-22T15:32:00.000Z

Auður meiðleigjanda mín kom með hrikalega úrslita kosti fyrir mig um daginn. Vorum eitthvað að spá í leiðinlegu sjónverpsefni eins og til dæmis Þak yfir höfuðið og þá segir hún "ok, hvort mynirðu frekar vilja horfa á Þak yfir höfuðið eða GameTíví?" Guð minn góður ég held að það væri mín versta martröð að vera lokuð inn í herbergi og eiga að horfa á annan hvorn þáttinn... Fæ hrillingsgæsahúð við tilhugsunina. Langar ekki að hugsa það til enda. En alla veganna, langar til útlanda... Er að hugsa um að fara að leggja fyrir og fara í Evrópureisu næsta sumar og heimsækja alla sem ég þekki þar, og kaupa allan heiminn!!

Góðan daginn frú mín góð...

2005-09-20T17:12:00.000Z

Esjan er orðin hvít! Ja hérna hér. Var líka að labba áðan (úti) og það kom slidda, slidda, skrítið orð. En ég er greinilega að verða gömul því ég tala bara um veðrið, það er alveg greinilegt, fer ekkert leynt með það.
Var að horfa á Emmy-verðlaunin á sunnudagsnótt og viti menn þeir voru ekkert að leyna því hver vinnur Americas Next, bastarðarnir. Svona er það að vera svona mikið eftir á í þessum bransa. Djö, nú verður ekkert gaman að horfa á þetta. En ég ætla nú samt ekkert að vera að deila því með ykkur hver hreppir titilinn, það væri nú ekki gaman fyrir suma..
Er á bókhlöðunni og fólk er bara að tala í síma og hafa háfaða. Ég bara skil þetta ekki, hvað er málið? Er ég bara orðin svona gömul og pirruð og ný símatalandi kynslóð á bókasöfnum tekin við.. Ja, ég botna bara ekkert í þessu. Skellti inn einni mynd af mér í strætó í dag.. Var að taka stöðuna á vindganginum!

Helgaruppgjör

2005-09-18T16:40:00.000Z

Föstudagskvöldið fór ekki alveg eins og ég hafði ímyndað mér. Ég drakk pínulítið of mikið af mojito og fór í bæinn og allt og var svo ekki komin heim til mín fyrr en kl. 14 næsta dag sem þýðir að bókhlöðuferðin mín fyrirhugaða varð að engu (jinxaði líklega ferðina með því að hrósa mér fyrirfram). Nánari útskýringar á þessu verður EKKI að finna hér á þessari síðu... En það var samt alveg mjög skemmtilegt þetta kvöld/nótt. Gisti svo hjá mömmu í nótt (lau) en svaf ekki mikið því systir mín kær hringdi vælandi, skjálfandi og emjandi yfir einhverju sem ég gat engan veginn skilið en auðvitað hoppaði ég upp í bíl(inn með hverjum sem er...!) og þeystist niðrí bæ til að knúsa greyjið. Svo hlógum við bara að öllu saman í morgun. Bókhlöðuna gat ég svo ekki flúið í dag og bókunum var ekki hlíft fyrir áköfum flettingum mínum og störu... en nú er verið að loka og því ætla ég að hoppa út í sólina og gera eitthvað skemmtilegt. Hrekk alltaf jafn mikið í kút þegar tilkynningin glymur hér í húsinu um að það sé verið að fara að loka, þetta er alveg óþarflega hátt.
Bless í bili.

Haustið í hausnum á mér

2005-09-16T18:12:00.000Z

Ég hef fengið ábendingar um það að fólk skilji ekki hálft í því sem ég segi hér. En það verður bara að öppdeita skilningsvitin í hausnum á sér og vera í takt við nýja tíma. Ég lifi á tækni og framfara tímum og verð bara að haga mér í takt við það, annars verður maður undir í þessu samfélagi. Ókei, ég skildi nú sjálf ekki megnið af þessum pistli!

Er að fara að vinna í mínum ástsælu Bústöðum í kvöld, föstudag og er svo boðin í mojito-kveðju-boð í Kópavoginn. Ætla þar að knúsa nokkrar skvísur sem eru áleiðinni á vit ævintýranna í París í vetur og það er aldrei að vita nema maður skelli sér bara í heimsókn við gott tækifæri. Ætla nú samt ekkert að sleppa fram af mér beislinu í kvöld, ætla nefnilega að vera mætt á bókhlöðuna klukkan tíu í fyrramálið, úff ég er svo dugleg. Alltaf gott að hrósa sér fyrirfram...

En hvað er málið með þetta veður í dag!? Alveg eðal haustdrungafílingur. Sat í strætó áðan og hlustaði á Nirvana Unplugged og það átti svo vel við, þið munið kannski eftir sviðsskreytingunum á tónleikunum, hvernig voru litirnir?, jú haustlitir. Og mellonkollí fílingurinn eftir því. En ég var samt ekkert að hugsa um að sprauta mig með heróíni og semja lög um misjafna æsku mína og giftast síðan rokkdruslu allra tíma sem hefur ekki unnið sér inn neitt á eigin vegum, er bara fræg fyrir að vera ekkjan hans, huhum missti mig aðeins. Helvítis bleðlan...

En alla veganna haustið er yndislegt, njótið litanna og rigningarinnar.
Seinna

Imbakassatal

2005-09-14T18:43:00.000Z

Aaaaaaa..... það er strax allt of mikið að gera í skólanum, ég er nú þegar komin langt aftur úr í lestrinum og....aaaa.... Ekki örvænta litla barn, bara flýta sér hægt, flýta sér hægt. Já en ,já en.. Ekkert já en bara taka lífinu með ró og gera það sem ætlast er til af þér, hægt en fljótt..ha!!?

Ókei, ég er ekki nógu sátt með úrslit the Cut í gær. Sætasti gaurinn var rekinn og hann átti það svo ekki skilið. Ég og Auður rúmí vorum alveg argandi vitlausar yfir þessu í gær, vonandi gerist eitthvað meira djúsí í Americas Next í kvöld. Já bæ ðe vei 33 ára gaurinn ekki lengur að vinna Í Búst. bara hættu (smá upplýsingar fyrir siggaling). Vá hvernig tengdist þetta Americas next, veit ekki. Lost bara búið og allt í háloft á eyjunni okkar, ég veit ekki hvar þetta endar. Ókei ég held að ég horfi allt allt of mikið á sjónvarp. Verð að hætta því og fara að læra.

Takk fyrir síðast til þeirra galeiðu þræla sem ég hitti á laugardaginn, ég veit ekki hver þið eruð en vonandi vitið þið það...
Seinna.

Hvað.....?

2005-09-08T13:54:00.000Z

Þessa mynd af mér ætla ég að senda með umsókninni minni í Íslenska bachelorinn!

Hvar er raunveruleikinn,hvar ertu lífið sem ég þrái...

2005-09-08T13:32:00.000Z

Vúhú, Americas Next byrjaði aftur í gær, got to love those gals.... Alveg eru þær nú samt steiktar þessar píur. Eitt sem vantar þó í þessa þætti og það er einhver mögnuð lína til að segja við stelpuna sem er rekin hverju sinni. Eins og til dæmis í The Apprentis þar sem Trumpinn segir "you are fierd(vá ég er orðin svo léleg í ensku að það er ekki fyndið)" eða í nýja eðal þættinum á Sirkus, The Cut þar sem Tommy Hilfiger segir "you are out of style" hahaha megamagnað... Það væri til dæmis hægt að segja við hana "you are ugly" eða "you are to fat" og síðan geta þau laumað að henni umsóknareyðublaði í The Swan. Merkilegt samt hvað þær eru oft reknar burt út af persónuleikanum, Tyra lætur sem það skipti stundum öllu máli..hvað er það! En allaveganna að þá hlakka ég mikið til miðvikudagskvölda í vetur og daginn eftir þegar maður talar um þær eins og vinkonur manns, híhí ég elska gerviraunveruleika..

Krókódíll í pels

2005-09-06T09:46:00.000Z

Búin að fara í annan tíma og það gekk aðeins betur. Mætti á réttum tíma og hann var lengur en fimm mínútur. Þetta var nú bara léttur kynningirtími í mannfræði kynmenningar og m.a. áttu nemendurnir að kynna sig, allir fóru að hlægja þegar ég kynnti mig, man ekkert hvað ég sagði, þannig að ég veit ekkert af hverju allir hlógu!!

Bústaðir hófu göngu sína aftur eftir sumarfrí í gær og ó hvað það var gott að koma í litlu kjallaraholuna mína. Ekki misskilja mig Þróttheimar eru ágætt pleis en Bústaðir, ó Bústaðir... Vegna þess að það var mánudagur í gær var náttúrulega staffafundur milli 5 og 7 og var hann sameiginlegur með Tónó og Þrótth. Það var svo rafmögnuð stemmning á þessum fundi að það er ekki fyndið. Það voru allir eitthvað svo æstir og það þurftu allir að tala í einu og segja brandara. Þetta er náttúrurlega svo fyndið fólk. En það var greinilega mjög mikill spenningur í búkum fólks og hlakka ég því sérstaklega til tveggja starfsdaga í röð um helgina í faðmi þessara skrímsla.

Að öðru. Sætir karlmenn. Já þeir eru nokkrir til í heiminum. Er búin að sjá nokkra undanfarið. En þeir eru allir útlendingar og til í heimi sem ég á ekki heima í. Nokkur dæmi: meðlimir Franz Ferdinand jamm, Johnny Depp í Jay Leno í gær jammí, Sawier (veit ekki hvernig það er skrifað) úr Lost úff á ekki til orð. Já. Þetta var hönk horn heru í dag. Takk og bless.

Fanz Ferdí

2005-09-02T14:06:00.000Z

Ætla að kíkja í Krikann í kvöld (ekki handakrikann samt, tékkaði á honum í sturtu áðan og hann var bara í fínu formi) og hlíða á tóna skosku hljómsveitarinnar Franz Ferdinand. Er ekki ennþá komin í neitt sérstakt rokkstuð, kannski af því að ég kann engin lög með þessari hljómsveit. Þegar ég segi kann engin, þá meina ég að ég get ekki sungið með neinum lögum og þekki ekki laglínurnar utan að sem mér hefur þótt mjög mikilvægt þegar ég fer á stóra tónleika sem þessa. Þið vitið, maður stendur svona rokklega, rétt fyrir aftan þvöguna (of fullorðin fyrir þá geðveiki) dillar sér í takt (samt ekki of mikið til að missa ekki kúlið) og mæmar nokkrar línur í hverju laga til að sýna öðrum að maður kunni þetta sko alveg utan að!! Eða gerði ég þetta þegar ég fór að sjá Brúðubílinn þegar ég var 8 ára, var orðin of gömul fyrir þvöguna fremst en vildi samt kíkja á svæðið til að sýna mig og sjá aðra...getur verið, maður er farinn að rugla þessu öllu saman. En eitt lag með Franz kann ég þó all vel og hef sungið ja, oftar en 10 sinnum í Sing Star og það er smellurinn Take me out. Flott lag en þegar ég heyri það líður mér eins og mér sé orðið bumbult af jarðaberja búðing með og miklum kankilsykri...
Vá, ég er svona spennt fyrir kvöldinu! Nei,nei smá ýkjur. En góða helgi allir saman og engan gammagang í miðbænum þið sem vitið hvað ég meina.
Seinna.

Í skólanum,í skólanum...

2005-09-01T12:16:00.000Z

Okei, skólinn byrjaður. Mætti í fyrsta tímann minn í dag sem heitir svo mikið sem Etnógrafía Eyjaálfu. Tíminn byrjaði kl.11:15, ég mætti kl.11:20 og hann var búinn kl.11:22. Já ég mundi segja að fyrsti dagurinn í skólanum hafi gengið eins og í sögu, mjög stuttri sögu en samt...

Fór niðrá Tíu Dropa í morgun til að fá mér kaffi og þannig og lenti auðvita á inntens kjaftatörn við Dísu (Gunna, þú veist hvað ég meina), kannski þess vegna sem ég var of sein í skólann fyrsta daginn. Svo þegar ég var að fara byrjaði ég að leita að hnútnum á svuntunni aftan á mér!! Sem var frekar undarleg hegðun því ég var ekki með neina svuntu og hef ekki sett slíkt apparat á mig í tvö ár eða svo, eða frá því ég hætti að vinna þarna. Veit ekki hvað þetta þýðir en að koma þarna inn er eins og að fara í gamla skó maður bara gerir eitthvað sem maður er vanur að gera án þess að hugsa um eitt né neitt. Verð að fara að herða skrúfurnar í hausnum á mér áður en ég fer í næsta tíma í skólanum. Vil ekki lenda í því að koma inn í tíma og labba upp að töflu og fara að kenna japönsku eins og ég gerði alltaf þegar.....what!! Note to self: kaupa herðingartæki fyrir heilaskrúfur.
Seinna

Dagur 1

2005-09-01T11:47:00.000Z

Hahahaha þetta tókst ég er orðin stolt bloggpía. Vá ég er svo spennt, verðað setja inn myndir og alls konar þannig stöff, bæ í bili Hera svera sterapera.